İqtisadiyyat

"Hədəfimiz Türkiyə-Azərbaycan arasındakı..."

12 Oktyabr 2021 10:50
Baxış: 1 026
VTB-də minimal faiz dərəcəsi ilə nağd kredit 9.9%-dən
#TÜRKİYƏ #AZƏRBAYCAN

Bakıda "Azpromo" və Türkiyə İxracatçılar Məclisinin (TİM) təşkilatçılığı ilə "Azərbaycan - Türkiyə Biznes Forumu" keçirilib.

Milli.Az Trend-ə istinadən bildirir ki, tədbirdə hökumət rəsmiləri və 80-ə yaxın sahibkar iştirak edib.

Forumda çıxış edən Türkiyənin Azərbaycandakı səfirinin ticarət müşaviri Yaqub Səfər ölkələrimiz arasındakı qarşılıqlı ticarət əlaqələrindən söz açıb və ticarət həcminin artırılmalı olduğunu diqqətə çatdırıb:

"Türkiyə və Azərbaycanın hər zaman yaxşı münasibətləri olub. Lakin 30 illik işğal altında olan Azərbaycan torpaqlarının azad edilməsindən sonra ölkələrimiz arasındakı əlaqələr daha fərqli bir müstəviyə keçib. Hazırda Azərbaycanın məhsul idxalında ilk sırada Rusiya, ikinci yerdə Türkiyədir. Hədəfimiz ilk sırada olmaqdır. Azərbaycan Xəzər üzərindən mal nəqli üçün önəmli coğrafi mövqedə yerləşir. Ələt limanı da yenilənib. Bu, Türkmənistan, Qazaxıstana, Özbəkistana ixrac üçün önəmlidir. Həmçinin Zəngəzur dəhlizinin açılması məsələsi gündəmdədir. Azərbaycan, Naxçıvan və Türkiyəni birləşdirəcək bu layihə həyata keçərsə, nəqliyyat, ticarət sahəsində ciddi irəliləyişin şahidi olacağıq. Hazırda 4 milyard dollara yaxın ticarət həcmimiz var, hədəfimiz bu rəqəmi 15 milyard dollara çatdırmaqdır".

Milli.Az

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.