İqtisadiyyat

Azərbaycan və Rusiya Xəzər regionu ilə bunu müzakirə edir

22 İyul 2021 13:40
Baxış: 1 054
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

"Rusiya Dəmir Yolları" şirkəti ilə "Azərbaycan Dəmir Yolları" QSC Uzaq Şərqlə Xəzəryanı region arasında dəniz daşımalarının fəallaşdırılması imkanlarını müzakirə edir.

Milli.Az bildirir ki, bunu Trend-ə rusiyalı politoloq, Rusiya Elmlər Akademiyasının İqtisadiyyat İnstitutunun elmi işçisi Aleksandr Karavayev deyib.

Onun sözlərinə görə, Xəzəryanı ölkələrin nəqliyyat kommunikasiyaları çoxdan formalaşıb. Bu regionun Fars körfəzi ölkələrinə çıxışı üçün Şimal-Cənub nəqliyyat marşrutu xüsusi əhəmiyyət daşıyır.

Politoloqun fikrincə, bu sahədə daha bir perspektiv istiqamət Rusiyanın Uzaq Şərq regionudur: "Bu istiqamət üzrə "Rusiya Dəmir Yolları" ilə "Azərbaycan Dəmir Yolları" arasında müzakirələr aparılır. Uzaq Şərq bəzən Cənubi və Şimali Qafqazda yetişdirilən məhsulların çatışmazlığını hiss edir. Müvafiq razılaşmanın əldə olunması Uzaq Şərqə konteyner qatarlarının yola salınması imkanını yaradacaq. Əks istiqamətdə isə Qafqaza dəniz məhsulları daşına bilər".

Ekspert əlavə edib ki, bu gün Xəzəryanı ölkələrin bütün limanları multimodal funksionallığa malikdir və yük daşımalarını həm avtomobil, həm də dəmiryol nəqliyyatı ilə təmin edə bilər.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.