İqtisadiyyat

Azərbaycanda tütün məmulatları, içki və qida məhsullarının istehsalı artıb

20 Fevral 2021 18:50
Baxış: 732

Azərbaycanda tütün məmulatları, içki və qida məhsullarının istehsalı artıb.

Dövlət Statistika Komitəsindən Milli.Az-a verilən məlumata görə, emal sənayesində yanvar ayında 1053,1 milyon manatlıq məhsul istehsal olunmuş və sənaye xarakterli xidmətlər göstərilib.

Əvvəlki ilin müvafiq ayı ilə müqayisədə tütün məmulatlarının istehsalında 2,9 dəfə, içki istehsalında 4,8 faiz, qida məhsullarının istehsalında isə 3 faiz artım müşahidə olunub.

Bu sahələrin əsas məhsullarından duru bitki yağları 35,9 faiz, kolbasa məmulatları 24,9 faiz, kərə yağı istehsalı 2,4 faiz artıb. Marqarin istehsalı 6,3 faiz, qənd və şəkər tozunun istehsalı isə 85,7 faiz azalıb.

Toxuculuq sənayesi, geyim, dəri və dəridən məmulatların, ayaqqabıların istehsalı sahələrində 39,3 milyon manat dəyərində məhsul istehsal edilib. Əvvəlki ilin yanvar ayı ilə müqayisədə, dəri və dəridən məmulatların, ayaqqabıların istehsalında 3,9 dəfə, toxuculuq sənayesində 10,9 faiz artım, geyim istehsalında isə 10,3 faiz azalma müşahidə olunub.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.