İqtisadiyyat

Gədəbəydə elektrik enerjisinin verilişi bərpa edilib

28 May 2019 21:31
0 Şərh     Baxış: 479

Gədəbəy rayonunda elektrik enerjisinin verilişi bərpa edilib.

Milli.Az AZƏRTAC-a istinadən bildirir ki, "Azərişıq" ASC-nin mətbuat xidmətinin rəhbəri Tanrıverdi Mustafayevin dediyinə görə, mayın 28-də Gədəbəy rayonunda güclü leysan rayonun elektrik enerjisi infrastrukturuna ciddi ziyan vurub. Təbiət hadisəsi qurumun əməkdaşlarının fəaliyyətinə maneə yaratsa da hazırda regionda elektrik enerjisinin verilişi bərpa olunub: "Güclü yağış-leysanla əlaqədar 35 kilovoltluq Slavyanka yarımstansiyasından 10 kilovoltluq Slavyanka hava xətti açılıb. Bundan əlavə xəttin dayağı əyilib. Hazırda əməkdaşlarımız baş verən qəzanın nəticələrini aradan qaldırıb. Mövcud əlverişsiz hava şəraiti təmir-bərpa işlərinə mane olsa da, hazırda elektrik verilişi tam bərpa olunub", - deyə T.Mustafayev bildirib.

T.Mustafayev həmçinin qeyd edib ki, bu gün Gəncədə də yağışlı hava şəraiti hökm sürüb, dolu yağıb. Burada da "Azərişıq" ASC qabaqlayıcı tədbirlər görüb.

Milli.Az

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.