İqtisadiyyat

Asiya İnkişaf Bankının Direktorlar Şurası Azərbaycana dair strategiyanı təsdiqləyib

29 Sentyabr 2014 10:40

Baxış: 1 033

VTB-də minimal faiz dərəcəsi ilə nağd kredit 9.9%-dən

#AZERBAİJAN #İQTİSADİYYAT #ANGLO IRİSH BANK CORPORATİON LİMİTED

Asiya İnkişaf Bankının (AİB) Direktorlar Şurası bazar ertəsi Azərbaycan ilə yeni əməkdaşlıq strategiyasını təsdiqləyib.

Bu barədə Trend-ə bankdan məlumat verilib. Strategiya 2014-cü ildən 2018-ci ilədək olan dövrü əhatə edir.

Bankın məlumatında bildirilir: "AİB-in Azərbaycana strateji yanaşması nəqliyyat, energetika, su və digər şəhər kommunikasiya və xidmətlərinin təmin olunması sahəsində infrastruktur layihələrin həyata keçirilməsindən ibarətdir. Səmərəli infrastruktur qeyri-neft sektorunun inkişafı üçün yeni imkanların yaradılması və mövcud olanların inkişaf etdirilməsinə, yeni bazarlara çıxışı genişləndirməyə, o cümlədən rayon mərkəzlərində və kənd yerlərində məhsuldarlıq göstəricilərini artırmağa imkan verir".

Strategiya Azərbaycan hökumətinin tərtib etdiyi iqtisadi inkişaf planları nəzərə alınmaqla hazırlanıb. Bundan başqa, AİB 2014-cü ildən 2017-ci ilə qədər olan dövrdə ölkəyə müxtəlif sahələrdə layihələrin reallaşdırılması üçün 752 milyon dollar vəsait ayıracaq.

Milli.Az