İqtisadiyyat

Bakıda ən bahalı torpaqlar haradadır? - SİYAHI

20 Aprel 2026 12:01
Baxış: 1 690
VTB-də minimal faiz dərəcəsi ilə nağd kredit 9.9%-dən
#CƏMİYYƏT #BAHALAŞMA #TORPAQ

Bakının daşınmaz əmlak bazarında son dövrlər ən ciddi bahalaşma məhz torpaq sahələrində qeydə alınır. Paytaxtın bəzi mərkəzi ərazilərində bir sot torpağın qiyməti hətta 2 milyon manata qədər yüksəlib. Xüsusilə şəhərin mərkəzi sayılan Səbail, Nəsimi və Yasamal rayonlarında bu artım daha qabarıq şəkildə hiss olunur.

Milli.Az xəbər verir ki, mövzu ilə bağlı Qiymətləndiricilər Cəmiyyətinin İdarə Heyətinin sədri Vüqar Oruc bildirib ki, prestijli zonalarda yerləşən torpaq sahələrinin qiyməti artıq milyon manatdan başlayır və bəzi hallarda bundan da yuxarı qalxır:

"Qiymətlərin bu səviyyəyə çatması yalnız əlverişli yerləşmə ilə bağlı deyil. Əsas səbəblərdən biri paytaxtın mərkəzində torpaq ehtiyatlarının demək olar ki, tükənməsidir. Təklif azaldıqca, bazarda tələbat artır və bu da qiymətlərin sürətlə yüksəlməsinə gətirib çıxarır".

Ekspertin fikrincə, torpaq sahələri bahalaşma tempinə görə digər daşınmaz əmlak növlərini geridə qoyur. Şəhər mərkəzindən uzaqlaşdıqca qiymətlər müəyyən qədər aşağı düşsə də, ümumi artım tendensiyası davam edir.

Qeyd edək ki, Xəzər, Qaradağ və Pirallahı rayonlarında isə qiymət artımı hələlik daha zəif müşahidə olunur və digər ərazilərlə müqayisədə nisbətən aşağı səviyyədə qalır.

Asya
Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.