İqtisadiyyat

Trampın bu çıxışından sonra neft kəskin bahalaşdı

13 Aprel 2026 10:53
Baxış: 896
VTB-də minimal faiz dərəcəsi ilə nağd kredit 9.9%-dən
#İQTİSADİYYAT #NEFT

ABŞ Prezidenti Donald Trampın Hörmüz boğazını bloklamaqla bağlı çıxışından sonra neftin qiyməti kəskin şəkildə yüksəlib.

Milli.Az xəbər verir ki, hazırda "Brent" markalı neft 102,10 dollara, yüngül neft isə 104,61 dollara təklif edilir.

Xatırladaq ki, İslamabadda baş tutan danışıqlar razılaşma olmadan başa çatdıqdan sonra açıqlama verən Tramp ABŞ Hərbi Dəniz Qüvvələrinin Hörmüz boğazında yerləşdiriləcəyini deyib.

"Hər kəsin sərbəst şəkildə gəlib-gedə biləcəyi bir sistem quracağıq. İranlılar tərəfindən qoyulmuş minaları məhv etməyə başlayacağıq", - deyə Tramp bildirib. O, həmçinin ABŞ və ya mülki gəmilərə hücum edilərsə, sərt cavab veriləcəyini vurğulayıb.

Trampın açıqlamasından sonra ABŞ Mərkəzi Komandanlığı (CENTCOM) dəniz blokadasının təfərrüatlarını paylaşıb. Bəyanata görə, blokada Türkiyə vaxtı ilə saat 17:00-dan etibarən İran limanlarına daxil olan və çıxan bütün gəmilərə qarşı tətbiq olunacaq. Blokada Fars körfəzi və Oman körfəzi də daxil olmaqla, İranın bütün sahil xəttini əhatə edəcək.

Fidan
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.