İqtisadiyyat

Bir bankda faiz 10-12, digərində 25-30: Kredit faizləri niyə FƏRQLİDİR?

17 Mart 2026 16:06

Baxış: 455

VTB-də minimal faiz dərəcəsi ilə nağd kredit 10.49%-dən

Vətəndaşların bank kreditlərinə müraciəti mütəmadi davam edir. Lakin bankların təklif etdiyi kredit faizləri fərqlənir.

Bəs buna səbəb nədir?

Milli.Az xəbər verir ki, bankların kredit faizləri bir neçə əsas amilə görə formalaşır. Bura bankın maliyyə resurslarının dəyəri, risk səviyyəsi, krediti növü və müddəti, müştərinin maliyyə vəziyyəti daxildir.

Maliyyə mütəxəssisi İsmayıl Məmmədov bildirib ki, banklar kredit verərkən ilk növbədə mümkün riskləri hesablayır:

"Risk yüksək olduqca faiz də artır. Əsas bankların faiz dərəcələri arasındakı fərq mənbəsindən, resursların cəlb edilmiş dərəcələri və onların risk dərəcələri nəzərdə tutulur. Kreditin qaytarmama riski hesablanır, buna uyğun olaraq da faiz dərəcəsi nəzərə alınır. Risk dərəcəsi az olana daha aşağı faiz, risk dərəcəsi yüksək olanda isə daha yüksək faizlə kredit təklif olunur.

Digər səbəb isə onların maliyyə siyasəti və cəlb etdikləri vəsaitlərin qiymətidir. Bəzi banklar depozitləri daha yüksək faizlə cəlb etdikləri üçün kreditləri də nisbətən baha təqdim edir. Müştəri cəlb etmək istəyən banklar bazarda rəqabət yaratmaq üçün daha aşağı faizlə kredit kompaniyaları həyata keçirirlər. Bazarda minimal faizlər 10-12, 25-30 faizə qədər yüksələ bilir".

Vətəndaşlara kredit götürməzdən əvvəl bankların faizlərini hesablamaları tövsiyə olunur.

Aysel
Milli.Az