İqtisadiyyat

Çin "TikTok"u niyə ABŞ-yə satmağa razı oldu? - AÇIQLAMA

29 Sentyabr 2025 13:01

Baxış: 983

VTB-də minimal faiz dərəcəsi ilə nağd kredit 9.9%-dən

#İQTİSADİYYAT

"TikTok"un ABŞ əməliyyatlarının satışı sürətlə gerçəkləşir. Planlaşdırılan razılaşmaya görə, investorlardan ibarət qrup yeni şirkətə 14 milyard dollar ödəyəcək. "Oracle, Silver Lake və Abu Dabi" mərkəzli MGX əsas investorlar olacaq, "ByteDance" isə 20%-dən az pay saxlayacaq".

Milli.Az xəbər verir ki, bunu iqtisadçı Eldəniz Əmirov deyib.

O bildirib ki, bu məbləğ "TikTok"un ABŞ əməliyyatları üçün əvvəlcədən qiymətləndirilən 30-35 milyard dollar dəyərdən xeyli aşağıdır. Əgər "TikTok" satilmasa, ABŞ-da qadağan ediləcək, "Apple" və "Google" kimi platformalar tətbiqi təqdim etməyəcəyi ilə hədələyirdi.

Ekspert qeyd edib ki, Çin həm iqtisadi təzyiq, həm də strateji faktorları nəzərə alaraq, onu ABŞ-yə satmağa razı oldu:

"Amma belə ucuz satışı şübhələr doğurur. Bəlkə də arxada siyasi razılaşmalar da olub. Məsələn, Tayvan məsələsində".

Aysel Əkbər
Milli.Az