İqtisadiyyat

Yağan yağışlar gilası bahalaşdıracaq?

16 May 2025 13:54

Baxış: 2 064

VTB-də minimal faiz dərəcəsi ilə nağd kredit 9.9%-dən

#MEYVƏ-TƏRƏVƏZ

Ölkədə son günlər qeyri-sabit hava şəraiti, xüsusilə yağıntıların intensivliyi kənd təsərrüfatı sektoruna mənfi təsir göstərməkdə davam edir.

Milli.Az xəbər verir ki, ölkənin şimal ərazilərində müşahidə olunan dəyişkən və yağıntılı hava şəraiti meyvə təsərrüfatlarına ciddi zərbə vurub. Quba rayonunda gilas bağlarında yetişməkdə olan məhsulların böyük bir hissəsi istifadəyə yararsız hala düşüb. Bu səbəbdən yerli bağbanlar çətin vəziyyətlə qarşılaşıblar.

"Bağlarımız sıradan çıxıb, etdiyimiz xərclərin cəmi 10 faizini belə qazana bilmirik. Təkcə mənim 5-10 min manat arası maddi zərərim var", - deyə bölgə sakini olan fermer bildirib.

Bəs bu məhsulun bahalaşmasına səbəb ola bilər?

Fermerlərin sözlərinə görə, məhsul az və qıt olarsa, qiymətlərə öz təsirini göstərə bilər.

Aysel Əkbər
Milli.Az