İqtisadiyyat

"Bu gün evdə pul saxlayırsınızsa potensial olaraq 9-10% itirirsiniz"

23 Aprel 2025 13:12

Baxış: 715

VTB-də minimal faiz dərəcəsi ilə nağd kredit 10.49%-dən

#İQTİSADİYYAT #KREDİT

Kredit faizlərinin artımı əsasən bazarda faizlərin artımı ilə bağlıdır. Bazarda faizlərin artmasının səbəbi isə sərbəst likvidliklə əlaqəli idi.

Bunu bu gün keçirdiyi mətbuat konfransında Mərkəzi Bankın sədri Taleh Kazımov bildirib.

O deyib ki, hökümət hesablarında qalıq vəsaitlər yığılır, onun hesabına bazarda likvidlik azalır. Likvidlik az olduğu şəraitdə isə kredit faizləri yüksəlir.

"Əgər siz bu gün evdə pul saxlayırsınızsa potensial olaraq 9-10% itirirsiniz. Həmin vəsaiti banka gətirsəniz, siz o pulu qazana bilərsiz. Banklar "yastıq altı" vəsaitləri cəlb etmək üçün depozit faizlərini qaldırdılar. Depozitlərin faiz dərəcələrinin artımı kreditləri cüzi də olsa bahalaşdırıb. Ancaq artan faiz şəraitində kreditləşməmiz azalmayıb, əksinə illik əsasda kredit portfelimiz 18.7% artıb", - deyə əlavə edib. (APA)

Milli.Az