İqtisadiyyat

Cənub Qaz Dəhlizi ABŞ və Azərbaycan arasında uğurlu ikitərəfli tərəfdaşlığımızın təməlini təşkil edir - Erik Ceykobs

4 Aprel 2025 14:20
Baxış: 371
VTB-də minimal faiz dərəcəsi ilə nağd kredit 10.49%-dən

Cənub Qaz Dəhlizi ABŞ və Azərbaycan arasında ortaq maraqlara əsaslanan uğurlu ikitərəfli tərəfdaşlığımızın təməlini təşkil edir.

Trend xəbər verir ki, bunu bu gün ABŞ Dövlət Departamentinin Enerji Resursları Bürosunun baş məsləhətçisi Erik Ceykobs Bakıda Cənub Qaz Dəhlizi Məşvərət Şurası çərçivəsində nazirlərin 11-ci və Yaşıl Enerji Məşvərət Şurası çərçivəsində nazirlərin 3-cü iclaslarında çıxışı zamanı deyib.

O qeyd edib ki, Birləşmiş Ştatlar Azərbaycanla münasibətlərinə böyük önəm verir.

"Bu gün, ixtiraçılıq və ambisiyanın nümunəsi olan Cənub Qaz Dəhlizi layihəsinin qeyd olunmasında iştirak etmək bizim üçün böyük qürur mənbəyidir. Layihə, Azərbaycanın enerji bolluğunu yalnız ölkənin deyil, bütün regionun rifahı üçün istifadəyə imkan verir. Azərbaycan artıq onlarla ölkəyə etibarlı təchizatçıya çevrilib", - o bildirib.

O vurğulayıb ki, Birləşmiş Ştatlar kimi, Azərbaycan da böyük enerji ehtiyatlarına malikdir.

"Bir neçə gün əvvəl Səngəçal ixrac terminalını ziyarət etdim. Görünür ki, Azərbaycan təbii qazın ölkənin, Avropanın və bütün dünyanın gələcəyi üçün əsas enerji mənbəyi olduğunu heç vaxt unutmamışdır. Bu gözəl məkandan Xəzər dənizinə - dünyanın böyük enerji mərkəzlərindən birinə baxarkən görürük ki, burası həm enerji təminatçısı, həm də Mərkəzi Asiyanı Avropaya bağlayan körpü olmaq potensialına malikdir. Prezident Tramp ABŞ-ın enerji bolluğunu Amerikanın rifahının təməli kimi qəbul edib. Birləşmiş Ştatlar öz müttəfiqləri və tərəfdaşları ilə birlikdə hər bir ölkənin öz resurslarından istifadə edərək inkişafa nail olmaq hüququnu təmin etmək üçün əməkdaşlıq etməyə hazırdır. ABŞ, ABŞ biznesi və sizin enerji sənayesinin təhlükəsizliyi və iqtisadi inkişafı üçün imkanları müəyyənləşdirmək və sürətləndirmək məqsədilə tərəfdaşlıq etməyə ümid edirəm", - o bildirib.

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.