İqtisadiyyat

COP29-da ilk dəfə bərpa olunan enerjidən istifadə ediləcək

30 Oktyabr 2024 00:40
Baxış: 1 463
VTB-də minimal faiz dərəcəsi ilə nağd kredit 9.9%-dən
#ALTERNATİV ENERGETİKA

COP29 məkanı işğaldan azad edilmiş ərazilərdə istehsal olunan yaşıl enerji ilə təmin ediləcək.

Milli.Az Xəzər TV-yə istinadən bildirir ki, bunu COP29 Əməliyyat Şirkətinin Koordinasiya Şurasının üzvü Ayan Nəcəf "Yaşıl Enerji Elektrik Stansiyası" MMC ilə memorandum imzalanma mərasimində deyib.

O bildirib ki, COP29 məkanının əsas enerji təchizatı generatorlar vasitəsilə təmin olunacaq. ABŞ-dən gətirilmiş bu generatorlar hidrogenləşdirilmiş bitki yağı ilə işləyir. Bu da tədbir məkanının tamamilə "yaşıl" enerji ilə təmin edilməsinə imkan yaradacaq.

COP rəsmisi onu da qeyd edib ki, gələcəkdə baş tutacaq layihələrdə də yaşıl enerji texnologiyalarından istifadə edilə bilər. Tədbirin keçirildiyi dövrdə COP29-un sabit infrastrukturunu enerji ilə təmin etmək üçün ümumilikdə 4000 kilovat-saat enerji tələb olunacaq.

O da qeyd edilib ki, yaşıl enerji təchizatı ilə bağlı təşəbbüs ilk dəfə COP29 çərçivəsində reallaşacaq və gələcək tədbirlərdə də bu nümunədən istifadə olunacaq.

Milli.Az
Xəbərlərimizi WhatsApp kanalımızdan da oxuyun

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.