İqtisadiyyat

"Əsas qida məhsulları ehtiyatlarının yaradılması üzrə ciddi işlər görülür"

9 İyun 2023 16:22

Baxış: 589

#İQTİSADİYYAT #NAZİRLƏR KABİNETİ

Əsas qida məhsulları ehtiyatlarının yaradılması üzrə ciddi işlər görülür.

Milli.Az Trend-ə istinadən xəbər verir ki, bunu Azərbaycanın baş naziri Əli Əsədov Rusiyanın Soçi şəhərində keçirilən "Avrasiya konqresi - 2023" adlı tədbirdə deyib.

"Ərzaq təhlükəsizliyinin təmin olunmasının zəruriliyi məsələsi dünyanın bütün ölkələri üçün misilsiz səviyyəyə çatıb. Bununla əlaqədar olaraq, ölkə əhalisinin ərzaq məhsulları ilə təmin edilməsi Azərbaycan Respublikasının Prezidenti tərəfindən hökumətin qarşısında duran əsas istiqamət və məsələlərdən biri kimi müəyyən olunub", - o deyib.

Ə.Əsədov qeyd edib ki, dünyanın əksər ölkələrində, o cümlədən Azərbaycanın əsas ticari tərəfdaşları olan ölkələrdə ərzaq qiymətlərindəki artım inflyasiya təzyiqinin artmasına səbəb olub.

Milli.Az