İqtisadiyyat

Bayramda bu rayonlara qatarla getmək istəyənlərə şad xəbər

21 Aprel 2023 09:50

Baxış: 1 580

VTB-də minimal faiz dərəcəsi ilə nağd kredit 10.49%-dən

#DƏMİR YOLU

Azərbaycan Dəmir Yolları Qapalı Səhmdar Cəmiyyəti (ADY) Ramazan bayramı ilə əlaqədar Ağstafa-Bakı marşrutu üzrə artan sərnişin tələbatını qarşılamaq məqsədilə 21 aprel və 24 aprel tarixlərinə əlavə reyslər təyin edib.

Qurumdan verilən məlumata görə, 21 aprel tarixində əlavə reys üzrə saat 15:30-da Ağstafadan yola düşən qatar Bakı Dəmiryol Vağzalına saat 20:25-də çatacaq.

24 aprel tarixində isə əlavə reyslə saat 16:00-da yola düşən qatar saat 20:55-də Bakı Dəmiryol Vağzalına çatacaq. Bununla da Ramazan bayramı ilə əlaqədar sonuncu qeyri-iş günü - 24 aprel tarixində Ağstafa-Bakı istiqaməti üzrə saat 15:30, saat 16:00 və saat 17:10 olmaqla ümumilikdə 3 qatar yola düşəcək.

Xatırladaq ki, ADY-nin bütün strukturları Ramazan bayramı ilə əlaqədar gücləndirilmiş iş rejimində çalışacaq.

Milli.Az