İqtisadiyyat

Bolqarıstanda təbii qaz Azərbaycana görə ucuzlaşdı

1 Aprel 2023 20:10
Baxış: 1 061
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Bolqarıstanda təbii qaz aprelin 1-dən ucuzlaşıb.

Milli.Az Trend-ə istinadən xəbər verir ki, Enerji və Su Tənzimləmə Komissiyası (KEWR) şənbə günü qazın aprel ayında qiymətini əlavə ödənişlər olmadan 1 MVt/saata görə 98,16 leva (təxminən €49,8) məbləğində təsdiqləyib, halbuki martda bu qiymət 106,74 leva (təxminən 53,37 avro) idi.

"Azərbaycanla mövcud uzunmüddətli müqaviləyə uyğun olaraq Bolqarıstan-Yunanıstan interkonnektoru vasitəsilə tədarük edilən qaz qarışığının maya dəyərinin hesablanmasına Azərbaycan qazının qiyməti daxil edilib. Bu həcmlər ölkə istehlakının təqribən 51,9%-ni əhatə edir və sərfəli qaz qiymətlərinə nail olmaq üçün önəm daşıyır", - deyə açıqlamada bildirilir.

Komissiya sədri İvan İvanov bildirib ki, təbii qazın qiymətinin azalması ilə bağlı vəziyyət davam edərsə, növbəti qiymət dövründə istilik enerjisinin dəyəri eyni qalacaq.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.