Maraqlı

1 km piyada gəzib ər axtardılar - FOTO

12 May 2025 23:32

Baxış: 2 088

VTB-də minimal faiz dərəcəsi ilə nağd kredit 9.9%-dən

#MARAQLI #TÜRKİYƏ

Çanaqqalanın Bayramiç rayonunda gənclər "Aşiqlər küçəsi" adlanan 1,5 kilometrlik yolda gəzərək özlərinə həyat yoldaşı axtarıb.

Milli.Az xəbər verir ki, Bayramiçdən 25 kilometr aralıda yerləşən Muratlar kəndində hər il may ayında təşkil olunan tədbirdə minlərlə insan bir araya gəlib. Kənddə 90 qazan keşkeç bişirilib və iştirakçılara paylanıb. Ətraf kəndlərdən gələn gənclər isə yolda gün boyu gəzişərək tanışlıqlar qurub.

Bu il də "Aşiqlər küçəsi"ndə bir çox gənc bir-biri ilə tanış olub, bəziləri isə gələcək evliliyin ilk addımını atıb. Tədbirə qatılan 22 yaşlı Gözde Aslan və 24 yaşlı Mürsel Dinç isə nişanlı olduqlarını deyərək, ilk dəfə bu küçəyə gəlib xatirə şəkli çəkdirdiklərini bildiriblər. Aşiqlər küçəsi illər öncə burada tanış olub evlənən cütlüklərin və onların övladlarının da görüş yerinə çevrilib.

İsmayıl
Milli.Az