İqtisadiyyat

Azərbaycanın su ehtiyatının həcmi açıqlanıb

10 Mart 2023 14:59
Baxış: 1 419
VTB-də minimal faiz dərəcəsi ilə nağd kredit 9.9%-dən
#SU

Adambaşına düşən suyun həcminə görə, Azərbaycan ilk yüzlükdə 90-cı yerdə qərarlaşıb.

Milli.Az Trend-ə istinadən xəbər verir ki, bunu ekologiya və təbii sərvətlər nazirinin müavini Vüqar Kərimov "Ölkədə su qıtlığının səbəbləri və mövcud vəziyyət" mövzusunda keçirilən brifinqdə deyib.

O bildirib ki, Azərbaycan məhdud su resurslarına malik coğrafiyada yerləşir. Su ehtiyatlarının 70 faizə yaxını transsərhəd çaylar hesabına təmin olunur.

"Adambaşına düşən suyun həcminə görə, ölkəmiz ilk yüzlükdə 90-cı yerdə qərarlaşıb. Su ehtiyatlarımız baxımından isə dünyada 140-cı yerdəyik", - nazir müavini əlavə edib.

Son 30 ildə Azərbaycanın su ehtiyatları 20 faizə qədər azalıb.

Trend-in məlumatına görə, bunu bu gün ekologiya və təbii sərvətlər nazirinin müavini Vüqar Kərimov "Ölkədə su qıtlığının səbəbləri və mövcud vəziyyət" mövzusunda keçirilən brifinqdə deyib.

O bildirib ki, proqnozlar da çox təəssüf ki, o qədər yaxşı deyil.

"Ehtiyatların 2050-ci ilə qədər 15-20 faizə qədər də azalacağı ehtimal edilir. Bu, bizə sudan məsuliyyətlə istifadə etməli olduğumuzu göstərir",- V.Kərimov deyib.

Mingəçevir su anbarına daxil olan suyun həcmi son 4 ildə 50 faizə qədər azalıb.

2018-ci 823 milyon kub su daxil olurdusa, 2022-ci ildə bu rəqəm 455 milyona düşüb.

"Bunun səbəbi yağıntıların miqdarının az olması və transsərhəd çaylarla ötürülən suyun miqdarının aşağı düşməsidir. Əvvəlki illərlə müqayisədə anbarımıza daha artıq su toplaya bilmişik ki, yay aylarında sərf edə bilək".

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.