İqtisadiyyat

Ziraat Bank Azərbaycan ABA tərəfindən mükafatlara layiq görülüb

2 Mart 2023 18:20
Baxış: 1 326
VTB-də minimal faiz dərəcəsi ilə nağd kredit 9.9%-dən
#İQTİSADİYYAT #BANKLAR

Ziraat Bank Azərbaycan 2022-ci il ərzində göstərdiyi fəaliyyətə görə Banklar Assosiasiyası tərəfindən iki nominasiya üzrə mükafata layiq görülüb.  Bank  xüsusilə korporativ sosial məsuliyyət layihələrinin həyata keçirilməsi, sahibkarlara və təhsilə verdiyi dəstək üçün asossiasiya tərəfindən fərqləndirilib. Ötən il ərzində ölkənin sosial-iqtisadi inkişafına, şəhid ailələri və qazilərə,  həmçinin talasemiyadan əziyyət çəkən uşaqlara verdiyi dəstək üçün bank "Korporativ sosial məsuliyyət" nominasiyası üzrə mükafatlandırılıb.

Həmçinin il ərzində müxtəlif təhsil ocaqlarına verdiyi dəstəyə görə  "Ən fəal təhsil dəstəkçisi" nominasiyası üzrə də qaliblərdən biri elan edilib.

Qeyd edək ki, "Bankçılıq Mükafatları" tədbiri Azərbaycan Banklar Assosiasiyası tərəfindən ildə bir dəfə təşkil edilir və il ərzində bankların  fəaliyyəti asossiasiya tərəfindən dəyərləndirilir.

"Ziraat Bank Azərbaycan" ASC, Türkiyə Respublikasına məxsus, 159 illik tarixə malik olan "Ziraat Maliyyə Qrupu"-nun tərkib hissəsidir və Azərbaycan Respublikasının Mərkəzi Bankı tərəfindən verilmiş 30.12.2014-cü il tarixli 255 nömrəli lisenziya əsasında fəaliyyət göstərir. Bank korporativ və pərakəndə bankçılıq sahəsində məhsul və xidmətlərini Bakı, Gəncə və Sumqayıt şəhərlərində yerləşən ümumi 7 filialı ilə yanaşı, rəqəmsal satış və xidmət platformaları üzərindən də müştərilərə təqdim edir.  

Bankın təqdim etdiyi məhsul və xidmətlər haqqında daha ətraflı məlumatı, Bankın, Facebook, Instagram, Twitter, Linkedin sosial media hesablarından və ya *9229 qısa nömrəsinə zəng edərək əldə edə bilərsiniz.

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.