İqtisadiyyat

Nazirlikdən bahalaşmaya münasibət

26 Yanvar 2023 13:11
Baxış: 2 259
VTB-də minimal faiz dərəcəsi ilə nağd kredit 9.9%-dən
#KƏND TƏSƏRRÜFATI NAZİRLİYİ

Bu gün dünyada gedən geosiyasi vəziyyət, eləcə də qlobal iqlim dəyişmələri ərzaq məhsullarının bahalaşmasında özünü göstərir. Kənd Təsərrüfatı Nazirliyi bu istiqamətdə işlər görür.

Milli.Az Trend-ə istinadən xəbər verir ki, bunu Milli Məclisin Aqrar siyasət komitəsinin bu gün keçirilən iclasında Kənd Təsərrfüatı Nazirliyinin Torpaqlardan İstifadə şöbəsinin müdiri Firidun Tağıyev deyib.

Şöbə müdiri bildirib ki, ərzaqlıq buğdanın stimullaşdırılmasına dair fərman imzalanıb.

"Bizim əsas asılılığımız buğda idxalı ilə bağlıdır. Pivot suvarma sistemi tətbiq edən fermerlər nazirliklə müqavilə bağlayıb ərzaqlıq buğda istehsal etdiyi təqdirdə onun hər tonuna 100 manat əlavə məhsul subsidiyası əldə edəcək. Bu, ciddi təşviqdir və buna maraq var. Birinci mərhələdə 23 500 hektar müəyyənləşdirərək Nazirlər Kabinetinə təqdim etmişik. Bu gün ölkəmizdə 56 min hektarda pivot suvarma sistemi tətbiq olunur.

Bu, su qıtlığı yaşayan ölkə kimi bizim üçün çox vacibdir. Beş il ərzində 56 min hektarın 200 minə çatdırılması hədəflənir. Ciddi rəqəmdir və maliyyə yükü deməkdir. Təxmini hesablama aparmışıq ki, bu fərman çərçivəsində dövlətin qoyduğu investisiya təşviqi 1 milyard manatın üzərindədir. Düşünürük ki, bu ciddi şəkildə kənd təsərrüfatının inkişafına töhfə verəcək", - deyə o qeyd edib.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.