İqtisadiyyat

"Moody's" Azərbaycanın reytinqini yüksəldib

5 Avqust 2022 20:11
Baxış: 709
VTB-də minimal faiz dərəcəsi ilə nağd kredit 9.9%-dən

"Moody's" beynəlxalq reytinq agentliyi Azərbaycanın uzunmüddətli emitent və prioritet təminatsız borclar üzrə reytinqini "Ba2" səviyyəsindən "Ba1" səviyyəsinədək yüksəldib.

Milli.Az Trend-ə istinadən bildirir ki, bu barədə agentliyin hesabatında deyilir.

Eyni zamanda proqnoz "müsbət"dən "stabil"ə dəyişdirilib.

Agentliyin fikrincə, reytinqin yüksəldilməsi son illər ərzində siyasətin artan səmərəliliyini əks etdirir, bu isə maliyyə idarəetməsinin təkmilləşməsi və dayanıqlığın artmasında əks olunub.

"COVID-19 pandemiyasına baxmayaraq maliyyə göstəriciləri yüksək qalır və iqtisadiyyatın bərpası, enerji daşıyıcılarının yüksək qiyməti fonunda büdcənin ağıllı idarə olunması sayəsində gözlənildiyindən daha sürətlə yaxşılaşır", - hesabatda deyilir.

"Moody's" gözləyir ki, hökumətin antiinflyasiya tədbirləri və Azərbaycan Mərkəzi Bankının aktiv makroiqtisadi siyasəti Rusiya-Ukrayna böhranı ilə dərinləşmiş inflyasiya risklərini azaldacaq.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.