İqtisadiyyat

Rusiyadan Azərbaycana "pomidor icazəsi"

4 Dekabr 2021 07:25
0 Şərh     Baxış: 652

Rusiyanın Baytarlıq və Fitosanitar Nəzarəti üzrə Federal Xidməti ("Rosselxoznadzor") dekabrın 6-dan Azərbaycanın 12 müəssisəsindən pomidor və almanın idxalına icazə verəcək.

Milli.Az Trend-ə istinadən bildirir ki, bu barədə qurumdan bildiriblər.

Məlumatda qeyd olunub: "Rosselxoznadzor 2021-ci il dekabrın 6-dan 7-si pomidor, 5-i alma olmaqla 12 Azərbaycan müəssisəsindən Rusiyaya pomidor və alma idxalına icazə verir".

Bildirilib ki, bu barədə qərar Azərbaycanın səlahiyyətli qurumu tərəfindən ölkə ərazisində pomidor və alma yetişdirən müəssisələrdə aparılan fitosanitar monitorinqin nəticələrinə, Azərbaycanlı həmkarları tərəfindən laboratoriya sınaq protokollarının və monitorinq hesabatlarının öyrənilməsinə əsasən, habelə Azərbaycan Qida Təhlükəsizliyi Agentliyinin zəmanəti ilə verilib.

Belə ki, hazırda Azərbaycanın 211 müəssisəsindən və bir kooperativdən pomidor, 76 şirkətdən alma göndərmək mümkündür.

Milli.Az

35 000 AZN-dək krediti ONLAYN sifariş et!

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.