Mədəniyyət

Beynəlxalq layihə: “Gül açdı” Azərbaycan xalq mahnısı yeni aranjimanda

15 May 2020 16:39

0 Şərh Baxış: 3 159

VTB-də minimal faiz dərəcəsi ilə nağd kredit 9.9%-dən

#MƏDƏNİYYƏT

Bakı Şəhər Mədəniyyət Baş İdarəsinin dəstəyi ilə ərsəyə gələn yeni beynəlxalq layihə Azərbaycan xalq mahnısının yeni aranjimanda tanınmış musiqiçilər tərəfindən təqdimatından ibarətdir.

Layihədə 11 yaşlı azərbaycanlı gənc istedad, "Azərbaycanın ən gənc və ilk professional uşaq caz ifaçısı" adına layiq görülmüş Bülbül adına orta ixtisas musiqi məktəbinin "Klassik fortepiano və bəstəkarlıq" sinfinin şagirdi Məhəmməd Allahverdiyev tanınmış caz ifaçıları - Azərbaycanın Əməkdar artisti, bas-gitara ifaçısı Ruslan Hüseynov və Danimarkadan olan zərb alətləri ifaçısı Deodato Siquirlə bərabər "Gül açdı" Azərbaycan xalq mahnısını ifa ediblər.

"Səs Uşaqlar 2020" yarışmasının iştirakçısı, 11 yaşlı istedad Məhəmməd Allahverdiyev instrumental əsərlərin müəllifidir. Uşaqlıqdan caz musiqisinə böyük maraq göstərib, xüsusilə görkəmli bəstəkar Vaqif Mustafazadənin musiqisinin vurğunudur. "Yağış" və "Payız" əsərlərinə klip çəkdirib.
2019-cu ildə XIV Beynəlxalq Bakı Caz Festivalı çərçivəsində keçirilən "I am Jazzman" Gənc Caz İfaçıları Beynəlxalq Müsabiqəsində 14 yaşına çatmadığına görə müsabiqədənkənar iştirak etsə də istedadı sayəsində Xüsusi Priz və diploma, həmçinin "Azərbaycanın ən gənc və ilk professional uşaq caz ifaçısı" adına layiq görülərək bu il Böyük Britaniya və Danimarkada keçiriləcək Caz Festivala dəvət alıb.

Yeni layihəni Baş İdarənin rəsmi youtube kanalından izləyə bilərsiniz:
https://youtu.be/JZ-5yIOQIQM

Milli.Az