Mədəniyyət

Sumqayıt Dövlət Dram Teatrında bu həftəsonu hansı tamaşalar olacaq?

5 Mart 2020 20:58
0 Şərh     Baxış: 2 710
VTB-də minimal faiz dərəcəsi ilə nağd kredit 10.49%-dən

Ölkə başçımız yola saldığımız 2019-cu ildə böyük demokrat, yazıçı-dramaturq  Cəlil Məmmədquluzadənin 150 illiyinin keçirilməsi barədə müvafiq Sərəncam imzalamışdır. Sözügedən Sərəncama uyğun olaraq ölkəmizin bütün dövlət teatrlarında  və mədəniyyət müəssisələrində  görkəmli ədibin əsərlərinə  müraciət edilmiş və ədibin preslərinə yeni quruluşlar verilmişdir.

Milli.Az xəbər verir ki, Sumqayıt Dövlət Dram Teatrı da öz növbəsində ədibin yubileyinə  töhvə olaraq ötən ay   Mirzə Cəlil yaradıcılığına  müraciət edərək   görkəmli dramaturqun "Danabaş kəndinin əhvalatları" povesti  əsasında eyniadlı iki hissəli tamaşa   hazırlamışdır. Yeni səhnə əsəri   mart ayının ilk həftəsonu teatrsevərlərin ixtiyarına veriləcəkdir.  Tamaşanın quruluşçu rejissoru Əməkdar artist Namis Şirməmmədov, quruluşçu rəssamları   Elşən Sərxanoğlu və  Şahin Hüseynlidir.

Tamaşa  XIX əsrin sonlarındakı  Azərbaycan kəndinin feodal-patrialxal mühitini, zülm və özbaşınalığı,  xürafatı bütün dolğunluğu ilə    əks etdirir.  Rollarda Əməkdar artistlər İlahə Səfərova , Mövsüm Hüseynov, aktyorlar - Habil Xanlarov,  Dağlar Rüstəmov, Vəfa Qurbanova, Sevda Hüseynli,  Kamran Muradlı, Elay Xasıyev,   Akif Mirzəyev, Yalçın Səlimov, Cavanşir Eyyubzadə, İlham Səfərli, Şəms Abdullayeva,  Ceyhun Məhərrəmov, Siyavuş Mahmudov, Elmir Mehdiyev, Aynur Hümmətova,  Vaqif Səmədzadə, İlqar İbrahimov, Rövşən Əsgərov, Orxan Firudinov, Mətləb Səfərli, Zaur Şirinov və Siyavuş Mahmudov çıxış  edirlər. Premyera 7 mart saat 18:00-da nümayiş etdiriləcək.

Biletləri teatrın kassasından əldə edə bilərsiniz.

Əlaqə nömrələri: 018 655 91 21

Milli.Az

Məqaləyə dair fotomateriallar:

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.