Mədəniyyət

Emil İbrahimin vəfatı ilə bağlı Bakı Caz Mərkəzində tədbirlər təxirə salınıb

15 Aprel 2011 12:22

Baxış: 823

VTB-də minimal faiz dərəcəsi ilə nağd kredit 9.9%-dən

#AZERBAİJAN

Milli.Az xəbər portalının məlumatına görə, mərasimlə əlaqədar Caz Mərkəzində keçiriləcək bir çox tədbirlər, o cümlədən, caz ifaçısı Ülviyyə Rəhimovanın konserti və digər çıxışlar təxirə salınıb.
Qeyd edək ki, Emil İbrahim aprel ayının 14-ü uzun sürən xəstəlikdən Berlindəki klinikalardan birində dünyasını dəyişib.
Məlumat üçün bildirək ki, Emil İbrahim 17 noyabr 1975-ci ildə Bakıda - tanınmış musiqiçi İbrahim Məmmədovun ailəsində anadan olub. Musiqi təhsilini 1981-ci ildə Bülbül adına musiqi məktəbi və 1993-cü ildə Bakı Musiqi Akademiyasının xor-dirijorluq fakültəsində alıb. Emil İbrahim bir çox musiqili proqramlar və festivalların prodüseri, filmlərin bəstəkarı kimi tanınıb. Dəfələrlə Avropada keçirilən konsertlərdə Azərbaycanı uğurla təmsil edib.
2005-ci ildə musiqiçinin "Tetralogia" albomu işıq üzü görüb. Emil İbrahim əməkdar artist Sevda Ələkbərzadənin "Şəbi hicran", "Sevdalı dünya" və "A flower in bloom" albomlarındakı mahnıları aranjeman edib.

Leyla
Milli.Az