Mədəniyyət

Bakı Dövlət Kamera Orkestrinin emosional çalarlarla zəngin konsert proqramı təqdim olundu - FOTO

2 Fevral 2026 14:06

Baxış: 279

VTB-də minimal faiz dərəcəsi ilə nağd kredit 10.49%-dən

Kamera və Orqan Musiqisi Zalında Bakı Dövlət Kamera Orkestrinin müşayiəti, baş dirijor Əməkdar artist Fuad İbrahimovun rəhbərliyi ilə lirik və yüksək emosional çalarlarla zəngin konsert proqramı təqdim olundu.

Proqramda P. Çaykovski "Elegiya", S. Barber simli orkestr üçün "Adagio", E. Elgar simli orkestr üçün Serenada, (op. 20), C.Nielsen "Kiçik süita" (op. 1, üç hissədə) və R. Strauss-un səs və simli orkestr üçün "Səhər" (op. 27) əsəri istedadlı vokalçı İslama Abdullayevanın iştirakı ilə səsləndirildi.Eyni zamanda konsert zamanı dirijor çıxış edərək, proqramda yer alan əsərlərin bəstəkarların yaradıcılığının yetkin dövrünə aid olduğunu vurğuladı və orkestr musiqiçilərinin gənc olmasına baxmayaraq bu qədər dərin emosional məzmunlu proqramı böyük ustalıqla və yüksək peşəkarlıqla təqdim etməsini yüksək dəyərləndirdi.

Tədbir dinləyicilər tərəfindən böyük maraq və alqışlarla qarşılandı, konsert zaldakı auditoriyada dərin bədii-estetik təəssürat yaratdı.

İnformasiya dəstəyi - Trend.Az, Day.Az, Milli.Az