Mədəniyyət

Mirzə Babayevin 112 illiyinə həsr olunmuş “Limanlar” adlı konsert proqramı təqdim olunub - FOTO

3 İyul 2025 17:35

Baxış: 879

VTB-də minimal faiz dərəcəsi ilə nağd kredit 9.9%-dən

#MƏDƏNİYYƏT

Rəşid Behbudov adına Dövlət Mahnı Teatrında Xalq artisti Mirzə Babayevin 112 illiyinə həsr olunmuş "Limanlar" adlı konsert proqramı təqdim olunub. Konsert proqramında teatrın solistləri ilə yanaşı tanınmış estrada müğənniləri də çıxış edib. Proqramda unudulmaz sənətkarın repertuarından sevilən mahnılar ifa olunub. Müğənniləri Rəşid Behbudov adına Dövlət Mahnı Teatrının instrumental ansamblı müşayət edib. Ansamblın rəhbəri Mirxalid Salayevdir.

Sevilən estrada müğənniləri bir zamanlar Mirzə Babayevin şövqlə ifa etdiyi "Limanlar", "Saçlarına gül düzüm", "Sən uzaq, yaşıl ada", "Kimlər gəldi, kimlər getdi", "Kəpənək", "Zəfəran" və digər mahnıları yeni nəfəs və yanaşmada təqdim ediblər.

Qeyd edək ki, Azərbaycan estrada musiqisinin banilərindən biri olan Mirzə Babayev 1913-cü il iyulun 16-da Bakıda dünyaya gəlib. Müğənnilik fəaliyyətinə 40-cı illərin əvvəlində caz orkestrində başlayıb. Mirzə Babayev 30-dən artıq filmdə rol alıb. Uzun illər Azərbaycan Dövlət Filarmoniyasında çalışıb. Xalq artisti Mirzə Babayev 2003-ci il yanvarın 13-də 90 yaşında vəfat edib.

İnformasiya dəstəyi - Trend.Az, Day.Az, Milli.Az