Mədəniyyət

Beynəlxalq Muğam Mərkəzində xanəndə və tarzən Şirulla İmanovun xatirə konserti keçiriləcək

4 Aprel 2025 14:19
Baxış: 451
VTB-də minimal faiz dərəcəsi ilə nağd kredit 10.49%-dən

Beynəlxalq Muğam Mərkəzində "Unudulmayanlar" layihəsi çərçivəsində aprelin 11-də saat 19.00-da xanəndə və tarzən Şirulla İmanovun 115 illiyinə həsr olunmuş xatirə konserti keçiriləcək. 
Şirulla İmanov ötən əsrin əvvəlində Bakıda təşkil olunan konsertlərə həvəslə qatılırdı. Tarzənin bacarığını yüksək qiymətləndirən Ü.Hacıbəyli opera tamaşalarında tar ifaçılığını məmnuniyyətlə ona həvalə edirdi. O, Opera və Balet Teatrı və Azərbaycan Dövlət Filarmoniyasının solisti kimi fəaliyyət göstərir. M.Maqomayevin "Şah İsmayıl", Z.Hacıbəyovun "Aşıq Qərib", Ü.Hacıbəylinin "Şeyx Sənan" operalarında sənətkar həm vokal, həm də tar ifaçısı kimi tamaşaçıların rəğbətini qazanır. Şirulla İmanova həsr olunan gecədə tanınmış sənət adamları sənətkarla bağlı xatirələrini bölüşəcək,  xanəndələrin ifasında muğam və təsniflərdən ibarət konsert təqdim olunacaq.

Biletlər əldə etmək üçün https://iticket.az/events/concerts/memorial-evening-of-tarzan-and-singer-shirulla-imanov/148614

İnformasiya dəstəyi -  Trend.Az, Day.Az, Milli.Az 

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.