Mədəniyyət

Gənclərə dəstək” layihəsi çərçivəsində Nuray Həsənli və Surə Rüfət çıxış ediblər - FOTO

2 May 2024 14:55

Baxış: 382

Kamera və Orqan Musiqisi Zalının səhnəsində "Gənclərə dəstək" layihəsi çərçivəsində Q.Qarayev adına Azərbaycan Dövlət Kamera Orkestrinin kiçik heyətinin müşayiəti ilə Beynəlxalq müsabiqələr laureatı Nuray Həsənlinin (piano) solo konserti keçirilib.

Həmçinin konsertdə Respublika və beynəlxalq müsabiqələr laureatı Surə Rüfət (violin) çıxış edib.

Proqramda Azərbaycan və Avropa bəstəkarlarının əsərləri səslənib.

Xatırladaq ki, "Gənclərə dəstək" layihəsi Müslüm Maqomayev adına Azərbaycan Dövlət Akademik Filarmoniyasının həyata keçirdiyi layihədir və əsas məqsədi Azərbaycanda gənc istedadların üzə çıxarılması və dəstəklənməsidir. Layihə ideyasının müəllifi və onun bədii rəhbəri - Filarmoniyanın direktoru Murad Adıgözəl-zadə, layihənin koordinatoru - Filarmoniyanın direktor müavini Ayla Kərimova-Zəkəriyyədir.

İnformasiya dəstəyi - Trend.Az, Day.Az, Milli.Az