Mədəniyyət

Cüzeppe Verdinin “Riqoletto” operasının tamaşası keçiriləcək

19 May 2022 17:47
0 Şərh     Baxış: 351

Mayın 21-də Azərbaycan Dövlət Akademik Opera və Balet Teatrında Cüzeppe Verdinin "Riqoletto" operasının tamaşası keçiriləcəkdir.

"Riqoletto" Verdi yaradıcılığının zirvəsi, ən dəyərli nümunələrindən biri hesab olunur. Azərbaycan Opera və Balet Teatrının çoxsaylı tamaşaçıları hər zaman bu operanın tamaşasını maraqla qarşılayırlar. Operanın librettosu Viktor Hüqoqun "Kral əylənir" adlı dramının süjeti əsasında qələmə alınmışdır.

Tamaşada əsas partiyanı -  Riqoletto partiyasını ifa etmək üçün Serbiyadan Belqrad Milli Operasının aparıcı solisti, vokalçıların  beynəlxalq müsabiqələrinin laureatı Matiç Draqutin dəvət olunmuşdur.

Hersoq rolunda Azərbaycanın Əməkdar atristi Ramil Qasımov çıxış edəcəkdir. Cilda partiyasını isə Əməkdar artist, Prezident mükafatçısı İnarə Babayeva  ifa edəcəkdir.

Tamaşada həmçinin Xalq artistləri Əli Əsgərov  və Əkrəm Poladov, Əməkdar artistlər Səbinə Vahabzadə, Tural Ağasıyev, solistlər Fəhmin Əhmədli, Nina Makarova və Rza Xosrovzadə  iştirak edəcəklər.

Tamaşanı Xalq artisti, dirijor Fəxrəddin Kərimov idarə edəcəkdir.

Milli.Az

İllik 14.5%-dən 30 000 manat zaminsiz komissiyasız kredit

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics