17:58
Milli.Az-ın əməkdaşının telefon zənginə cavab verən yazıçı Anar, gün ərzində çoxsaylı təbriklər qəbul etdiyini vurğulayaraq, doğum günündə özünə etdiyi arzularını belə dilə gətirdi. "Özüm-özümə nə arzulaya bilərəm? İstəyirəm daha bir neçə il yaşayım ki, ürəyimdəki sözləri bütünlüklə gələcək əsərlərimdə cəmləyim. Təbrik edən insanlara, göstərdikləri diqqətdən dolayı təşəkkürümü ünvanlayıram".
---------
14:19
Milli.Az xəbər verir ki, martın 14-də Azərbaycanın görkəmli ziyalısı, nəinki ölkəmizdə, yazdığı əsərləri ilə bütün türk dünyasında sevimli ədib kimi qəbul edən yazıçı Anar (Anar Rzayev Rəsul oğlu) özünün 74 yaşını qeyd edir.
Anar 1938-ci il martın 14-də Bakıda şairlər ailəsində anadan olub. Anarın atası şair Rəsul Rza, anası şairə Nigar Rəfibəylidir. Anar eyni zamanda Azərbaycanın məşhur ictimai və dövlət xadimi, Azərbaycan Demokratik Respublikasının ilk Səhiyyə Naziri və Gəncə şəhərinin general-qubernatoru olan Xudadat bəy Rəfibəylinin nəvəsidir.
1945-ci ildə 10-illik musiqi məktəbinə (indiki Bülbül adına məktəb) daxil olan Anar 1955-ci ildə həmin məktəbi gümüş medalla bitirməyə müvəffəq olub. Birinci sinifdən onuncu sinfə qədər Zemfira Səfərovayla bir yerdə oxumuşlar.
1955-ci ildə Anar Azərbaycan Dövlət Universitetinin filologiya fakültəsinə, Zemfira konservatoriyaya daxil olsa da, yolları ayrılmamış, nişanlanmış, evlənmişlər.
Anar və Zemfira xanımın 2 övladları var. Böyük oğulları Tural ərəbşünas və diplomatdır, Xarici İşlər Nazirliyinin əməkdaşıdır. Qızları Günel isə Bakı Dövlət Universitetinin şərqşünaslıq fakültəsini bitirib.
Anar yaradıcılıq fəaliyyətinə yeniyetməlik yaşlarından başlamış, ilk qələm təcrübələrini 1952-ci ildə Şuşada etmişdir. 1960-cı ildə "Azərbaycan" jurnalının dekabr nömrəsində çap olunmuş "Keçən ilin son gecəsi" və "Bayram həsrətində" ilk mətbu hekayələridir. 1964-cü ildən Yazıçılar İttifaqının, habelə Kinematoqrafçılar, Jurnalistlər və Teatr xadimləri ittifaqlarının üzvüdür.
Anarın müxtəlif ölkələrdə nəşr olunan kitablarının ümumi sayı 50-dən artıqdır.
Azərbaycan da daxil olmaqla, dünyanın bir sıra nüfuzlu teatrlarının səhnələrində yazıçının pyesləri tamaşaya qoyulub. "Şəhərin yay günləri", "Adamın adamı" (bu pyesin quruluşçu rejissoru da Anarın özüdür), "Səhra yuxuları", "Sizi deyib gəlmişəm", "Təhminə və Zaur", "Keçən ilin son gecəsi", "Qaravəlli" tamaşaya qoyulmuşdur. "Şəhərin yay günləri", "Adamın adamı", "Təhminə və Zaur" kimi əsərləri bu gün də oxucular tərəfindən rəğbətlə qarşılanır. "Dədə Qorqud" dastanından bəhs edilən filmə yazdığı ssenarisi illər ötməsinə baxmayaraq, hələ də öz aktuallığını qorumaqdadır. Onlarla filmə ssenari yazan, "Dantenin yubileyi" filminin, habelə iki hissəli "Üzeyir ömrü" və "Qəm pəncərəsi" filmlərinin quruluşçu rejissoru Anar özüdür.
Anar 1991-ci ilin martında Yazıçıların IX Qurultayında yekdilliklə Azərbaycan Yazıçılar Birliyinin Sədri seçilib. 1997-ci il oktyabrın 30-da Yazıçıların X Qurultayında yekdilliklə yenidən Azərbaycan Yazıçılar Birliyinin sədri vəzifəsində öz işini davam etdirməkdədir.
Müstəqil Azərbaycanın Milli Məclisinin ilk iclasını açmaq, aparmaq şərəfi Anarın adı ilə bağlıdır. 1995-ci və 2000-ci illərdə Azərbaycan Respublikası Milli Məclisinin üzvü seçilib. O, Milli Məclisin mədəniyyət komissiyasının sədri seçilərək, mədəniyyət, tarix və memarlıq abidələrinin qorunması haqqında, Kinematoqrafiya haqqında və başqa mühüm qanunların Milli Məclisdə qəbul edilməsində əvəzsiz rol oynayıb.
Anar bir sıra dövlət və beynəlxalq mükafatların sahibidir. 1998-ci ilin martın 14-də 60 illik yubileyində ölkəmizin ən yüksək mükafatı, İstiqlal ordeni ilə təltif edilib.
Milli.Az olaraq sevimli yazıçımıza Allahdan möhkəm cansağlığı diləyib, yeni-yeni yaradıcılıq uğurlarının davamlı olmasını arzulayırıq.
Şahin Cavadsoy
Milli.Az
Mədəniyyət
Yazıçı Anar: ömrün 74-cü baharında - YENİLƏNİB - FOTOSESSİYA
14 Mart 2012 17:58
1 Şərh
Baxış: 10 902
DİGƏR XƏBƏRLƏR
- “Bitlzın üç epoxası” adlı müasir kostyumlaşdırılmış musiqili tamaşa keçiriləcək
- Gəncə Dövlət Filarmoniyasinda Ramiz Mİrişlinin 90 illiyi qeyd olundu - FOTO
- Gülnarə Xəlilovanın kolleksiyası TÜRKSOY-un etnomoda həftəsində qədim Efes şəhərində təqdim olunub - FOTO
- Fuad Axundov “Səma cəngavərləri” adlı yeni verilişin premyerasını təqdim edəcəkdir
- Bəstəkar Kamal Əhmədovun 75 illik yubileyinə həsr olunmuş konsert keçirilib - FOTO
- Mövsümün ilk müsabiqəsinin qalibi siz ola bilərsiniz!
XƏBƏR LENTİ
- "Kişilər niyə müğənni sevgili xəstəliyinə tutulublar?" - VİDEO
- Bakı Olimpiya Stadionu Çempionlar Liqasının finalına ev sahibliyi edə bilər
- Xəstəxanalarda uzun növbələr yarandı: Vətəndaşlar şikayətçidirlər - VİDEO
- Ən çox qazanan basketbolçu olacaq
- İlk dəfə kanalizasiya sistemi harada və nə vaxt yaradılıb?
- Bakı küçəsindəki robot-it maraq doğurdu - VİDEO
- Tuneldə ölən Elnurla Köçəri dəfn edildi - FOTO
- Azərbaycanda elektrikdoldurma məntəqələrinin sayı AÇIQLANDI
- Azərbaycanda məktəblilər İTKİN DÜŞDÜ - FOTOlar
- "Məni də Allah yaradıb, heç xəcalət çəkirsiniz?" - VİDEO
- “Uniconf” (“Rot Front”, “Babayevskiy”, “Krasnıy oktyabr”) və “Agro-West DC” MMC əməkdaşlığa başlayıb - FOTO
- Niyə arıqlaya bilmirik?
- Yankoviç: "İstənilən rəqibə qarşı..."
- Azərbaycanda bu il neçə zəlzələ olub?
- Alen Simonyanın qardaşı HƏDƏFDƏ: milyonluq tenderləri...
- "Böyük klublara qarşı oynamışıq, çəkinmirik"
- 30 yaşdan böyük subaylar VERGİ ÖDƏYƏCƏK - Qonşu ölkədə - VİDEO
- “Qalatasaray-Beşiktaş” derbisini o idarə edəcək
- Kişinin xəbəri olmadan mədəsi çıxarıldı, ölümdən döndü
- "Çocuklar duymasın"ın aktyoru öldü - VİDEO - FOTO
- Yeni dueti müzakirələrə çevrildi - VİDEO
- Həmin tuneli tikən şirkətdən AÇIQLAMA: "Heç nə deyə bilmərik"
- Bakıda qadın mağazadan 2 minlik paltar OĞURLADI
- “Dəniz donanmamız 20-yə yaxın gəmi ilə yenilənəcək”