Azərbaycanda dəhşətli qəza: ayağı qopan qadın öldü - YENİLƏNİB

14.01.2014
12:26

Ötən gecə Sumqayıtda qadının ayağını qoparan dəhşətli qəzanın təfərrüatı məlum olub.

Daxili İşlər Nazirliyinin mətbuat xidmətindən Milli.Az-a verilən məlumata görə, yanvarın 13-də saat 22 radələrində Sumqayıt şəhəri 9-cu mikrorayonun ərazisində şəhər sakini Rəşad Babayev idarə etdiyi "Mercedes" markalı avtomobillə yolu keçən Şərur rayon sakini Xanım Həsənovanı vurub. İdarəetməni itirdiyindən avtomobili yolun kənarındakı ağaca çırpıb. X.Həsənova hadisə yerində ölüb, R.Babayev xəstəxanaya yerləşdirilib.


---------------
13.01.2014
23:40

Sumqayıt şəhərində yüksək sürət ölümə səbəb olub.

Milli.Az xəbər verir ki, hadisə Sumqayıt şəhərində baş verib. Koroğlu prospekti ilə yüksək sürətlə hərəkət edən "Mercedes C-Class" markalı avtomobil yolu keçən piyadanın həyatına son qoyub. Avtomobil təxminən 30 yaşlarında olan qadını vuraraq bir neçə metr kənara atıb. Qadının ayağının yerindən qopduğu deyilir.

Hazırda Sumqayıt Şəhər Yol Polisi İdarəsinin əməkdaşları hadisə yerində araşdırma aparırlar.

Milli.Az