52 yaşlı kişini qətlə yetirən şəxs SAXLANILDI - YENİLƏNİB

Fevralın 16-da Cəlilabad rayonu Uzuntəpə kəndi ərazisində 1974-cü il təvəllüdlü Azər Baxşiyevin öldürülməsi barədə rayon prokurorluğuna məlumat daxil olub. 

Milli.Az xəbər verir ki, ilkin araşdırmalarla 2002-ci il təvəllüdlü İbrahim Babayevin bıçaqla xəsarət yetirərək Azər Baxşiyevi qəsdən öldürməsinə əsaslı şübhələr müəyyən edilib. 

Faktla bağlı Cəlilabad rayon prokurorluğunda Azərbaycan Respublikası Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb, İ.Babayev iş üzrə şübhəli şəxs qismində tutulub.

Milli.Az

_____________________

Saat - 15:52

Cəlilabadda qətl hadisəsi baş verib.

Milli.Az xəbər verir ki, bu gün saat 13 radələrində rayon sakini 52 yaşlı Azər Naib oğlu Baxşiyev kəsici alətdən aldığı xəsarətlə xəstəxanaya çatdırılıb və orda ölüb.

Cinayət əməlini törətməkdə şübhəli bilinən 24 yaşlı İbrahim Kamil oğlu Babayev polis əməkdaşları tərəfindən saxlanılıb.

Araşdırma aparılır.

Milli.Az