Kriminal

Arvadını öldürdü, qaynanasını öldürmək istədi, evi yandırdı - TƏFƏRRÜAT

21 Avqust 2019 20:30
4 Şərh     Baxış: 1 174

Bərdədə 27 yaşlı arvadını balta ilə qətlə yetirməkdə təqsirləndirilən Sadiq Hümbətov və Elçin Qurbanovun cinayət işi üzrə ibtidai istintaqı başa çatıb.

Milli.Az Ölkə.az-a istinadən xəbər verir ki, cinayət işi baxılması üçün Gəncə Ağır Cinayətlər Məhkəməsinə göndərilib. Cinayət işi hakim Nural Əliyevin icraatına verilib.

Qeyd edək ki, hadisə bu ilin mart ayında Bərdə rayonunda baş verib. Rayonun Kətəlparaq kənd sakini Qarayev Eyvaz Qurban oğlunun evi yanıb, 1961-ci il təvəllüdlü Qarayeva Rahilə İbrahim qızı çoxsaylı bıçaq və yanıq xəsarətləri ilə 1991-ci il təvəllüdlü Qurbanova Nabat Eyvaz qızının yanmış halda meyiti Bərdə rayon mərkəzi xəstəxanasına daxil olub.

Həmin məlumat əsasında dərhal rayon polis şöbəsi və prokurorluq əməkdaşlarının iştirakı ilə hadisə yeri müayinə olunub. Faktla bağlı rayon prokurorluğunda 120.2.4-cü (xüsusi amansızlıqla adam öldürmə), 29.120.2.7-ci (iki və ya daha çox şəxsi öldürməyə cəhd etmə), 186.2.2-ci (Əmlakı qəsdən məhv etmə; yandırmaqla ağır nəticələrə səbəb olduqda) maddələri ilə cinayət işi başlanılıb. Cinayət işi üzrə məhkəmə tibb ekspertizası təyin olunub, digər zəruri istintaq hərəkətləri əyat keçirilib.

Hadisəni mərhum Nabat Qurbanovanın əri ,İmişli rayonu, Qaralar kənd sakini 1988-ci il təvəllüdlü Elçin Qurbanov törədib. O, martın 1-dən 2-nə keçən gecə ailə münaqişəsi zəminində arvadı Nabat Qurbanovanı kəsici alətlə qətlə yetirib, qayınanası Rahilə Qarayevanı kəsici alətlə öldürməyə cəhd göstərib. Daha sonra evdə olan 9 yaşlı qızını çölə çıxararaq evi yandırıb.

Bərdə Rayon Prokurorluğunun və rayon polis şöbəsinin əməkdaşlarının həyata keçirdikləri əməliyyat-axtarış tədbirləri nəticəsində İmişli rayon sakinləri - 1996-ci il təvəllüdlü Sadiq Şükür oğlu Hümbətov və 1997-ci il təvəllüdlü Elçin Natiq oğlu Qurbanov tutulublar. 

Qeyd edək ki, N. Qurbanova və E.Qurbanov bir müddət öncə ayrılıblar. N. Qurbanova məhkəməyə müraciət edərək boşanmaq istəyib, lakin E.Qurbanov buna qarşı çıxıb. Məhkəmə də qanuni prosedura uyğun olaraq onlara barışmağı təklif edib. N. Qurbanova bundan imtina edib. Cütlük bu səbəbdən mübahisə edib.

Milli.Az 

loading...

Şərh yaz:

4 Şərh:

  • Anonim
    Alina · 21 Avqust 21:1030

    Bu məxluğa ömürlük həbs cəzası belə azdır bunu meydanda asmaq lazımdı ki bəzi kişiciklərə ibrət olsun

    Cavab yaz
  • Anonim
    Dəhşət · 22 Avqust 06:4820

    Şəmkirin Sarıtəpə kəndindəki hadisəyə bənzədi. Yəqin ordakı alkaşa baxıb edib. Kül təpənə boşanıbsan get xarabanda otur elə bil camaatı bunlara tapşırıblar. Niyə görəsən bu kimi hallara qarşı bir cəza tətbiq olunmur..?? Azərbaycanda nə milli dəyərlər qoydular qalsın nə də ki, insani keyfiyyətlər.

    Cavab yaz
  • Anonim
    El qizi · 22 Avqust 11:1910

    Bowanannan sonra arvadini oldurmek bi dene bizim savadsiz millete mexsusdu bawqa hansi olkede bele wey edirler?

    Cavab yaz
  • Anonim
    Oxucu · 22 Avqust 12:0210

    Ay alçaq, qızını çölə çıxarmağa nə ehtiyac var idi, sən onsuzda onu öldürmüsən anasını öldürməklə. Uşaqları anasız qoyan qatilləri inşaAllah ki Allah özü də əvf etməsin!

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.