Kriminal

Sevgilisinin yanında ona axmaq deyən mühafizəçini bıçaqlayan şəxs Ali Məhkəməyə şikayət edib - Bakıda

9 Yanvar 2019 22:00

0 Şərh Baxış: 1 390

VTB-də minimal faiz dərəcəsi ilə nağd kredit 9.9%-dən

#CƏMİYYƏT #KRİMİNAL

Binanın mühafizəçisini bıçaqlayan şəxs bəraət almaq məqsədi ilə Ali Məhkəməyə şikayət edib.

Milli.Az ölkə.az-a istinadən bildirir ki, cinayət məcəlləsinin 126.1-ci maddəsi ilə azadlıqdan məhrum edilən Ovçuzadə Mehdi Arif oğlunun məhkəmə prosesi yanvar ayının 29-da hakim Gülzar Rzayevanın sədrliyi ilə keçiriləcək.

Xatırladaq ki, 2018-ci ilin may ayında Bakı Ağır Cinayətlər Məhkəməsində mühafizəçini bıçaqlamaqda təqsirli bilinən Mehdi Ovçuzadənin cinayət işi üzrə məhkəmə prosesi başa çatıb. Hakim Fikrət Qəribovun sədrlik ediyi kollegiyanın hökmü ilə Mehdi Ovçuzadə 1 il müddətinə azadlıqdan məhrum edilib. Məhkəmə hökmü elan edərkən zərərçəkmişə dəyən ziyanın ödənilməsini, zərərçəkmişlə barışıq olmasını yüngülləşdirici hal kimi nəzərə alıb.

İttihama görə, Mehdi Ovçuzadə sevgilisi olan qızla tanışının evinə gəlib. O, maşını binanın qarşısında saxlayıb. Bu zaman binanın mühafizəçisi ilə Mehdi Ovçuzadə arasında mübahisə yaranıb.

Mühafizəçi Mirzəməhəmməd Abduləzizov Mehdi Ovçuzadəyə axmaq deyib. Bundan sonra Mehdi Ovçuzadə özündə olan bıçaqla mühafizəçini vurub.
Yaralı xəstəxanaya çatdırılıb, ona vaxtında tibbi yardım göstərildiyi üçün həyatını xilas etmək mümkün olub.

Milli.Az