Kriminal

Arvadını uşaqlarının yanında öldürən ərin cəzası MƏLUM OLDU

14 Yanvar 2025 18:38

Baxış: 1 463

VTB-də minimal faiz dərəcəsi ilə nağd kredit 9.9%-dən

#MƏHKƏMƏ #AİLƏ #CİNAYƏT

Xırdalan şəhərində həyat yoldaşı Sevinc Əhmədağayevanın başını kəsərək qətlə yetirməkdə ittiham edilən Laçın Əhmədağayevin cinayət işi üzrə məhkəmə yekunlaşıb.

Milli.Az xəbər verir ki, Sumqayıt Ağır Cinayətlər Məhkəməsində hakim Elçin Məmmədovun sədrliyi ilə keçirilən prosesdə hökm elan olunub.

Məhkəmənin hökmü ilə Laçın Əhmədağayev 18 il müddətinə azadlıqdan məhrum olunub.

Qeyd edək ki, hadisə ötən ilin aprel ayında Xırdalan şəhərində baş verib. 1974-cü il təvəllüdlü Laçın Əhmədağayev münaqişə zəminində 1976-cı il təvəllüdlü arvadı Sevinc Əhmədağayevanın başını kəsərək qətlə yetirməkdə ittiham olunur.

Hadisənin ailənin 3 yaşlı qızının gözü önündə baş verdiyi bildirilir.

Abşeron rayon prokurorluğunda araşdırma zamanı Laçın Əhmədağayevin yaşadıqları evdə arvadı Sevinc Əhmədağayevaya bıçaqla xəsarətlər yetirərək qəsdən öldürməsinə əsaslı şübhələr müəyyən edilib.

Faktla bağlı rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsilə cinayət işi başlanıb, Laçın Əhmədağayev prokurorluğun qərarı ilə iş üzrə şübhəli şəxs qismində saxlanılaraq istintaqa təhvil verilib. /Apa

Milli.Az