Kriminal

Vətən müharibəsi iştirakçısı gecə klubunda dəhşət saçdı

28 May 2024 07:12
Baxış: 3 224
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Bakı Ağır Cinayətlər Məhkəməsində 28 yaşlı qızı bıçaqlamaqda təqsirləndirilən Tural Zeynalovun (ad-soyad şərtidir) cinayət işi üzrə məhkəmə prosesi başa çatıb.

Milli.Az qafqazinfo-ya istinadən xəbər verir ki, o, Cinayət Məcəlləsinin 126.2.4-cü (xuliqanlıq niyyəti ilə sağlamlığa ağır zərərvurma) maddəsi ilə ittiham edilib. 

Məhkəmənin hökmünə əsasən, T. Zeynalov 6 il bir ay müddətinə azadlıqdan məhrum olunub.

Hadisəyə gəlincə, 2000-ci il təvəllüdlü T. Zeynalov ötən il oktyabrın 3-ü gecə saat 01 radələrində Nizami rayonu Qara Qarayev prospektində yerləşən gecə klubunda gənc qızla tanış olub. Sonra tərəflər arasına mübahisə yaşanıb və o, zərif cinsin nümayəndəsini bıçaqlayıb.

İstintaq zamanı məlum olub ki, T. Zeynalov əvvəllər oğurluq etdiyinə görə məhkumluq həyatı yaşayıb.

Qeyd edək ki, təqsirləndirilən şəxs Vətən müharibəsi iştirakçısı olub və bir neçə medalla təltif edilib.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.