Ölkə

İqrik kəndinin su problemi - VİDEO

27 Oktyabr 2021 15:30
0 Şərh     Baxış: 1 138
VTB-də minimal faiz dərəcəsi ilə nağd kredit 9.9%-dən
#VİDEO

Kənd bələdiyyəsindən problemin tezliklə həll ediləcəyinə vəd verildi

Belə bir deyim var: suyun dəyəri quyu quruyunca aydın olar. Qubanın İqrıq kəndinin sakinləri artıq 9 aydır bu deyimin acı həqiqətini hər gün hiss edirlər. Məsələ burasındadır ki, kənddə 10 il öncə qazılan və 120 ailəni içməli su ilə təmin edən artezyan quruyub. Bununla da sakinlər aylardır içməli suya həsrət qalıblar.

İndi içməli suyu pulla aldıqlarını deyən şikayətçi sakinlər bildirir ki, bu maddi baxımdan onlara baha başa gəlir. Problemlə bağlı etdikləri müraciətləri isə nəticəsiz qalıb.

Sakinlərin problemi ilə bağlı İqrıq kəndinin də tabe olduğu Alekseyevka bələdiyyəsinə müraciət etdik. Bələdiyyə sədrinin müavini Beybud Məmmədov bildirdi ki, yaranan çətinlik hava şəraitinin həddindən artıq quraq keçməsi ilə bağlıdı. Bununla belə yeni artezyanın qazılması üçün Azərsu ASC-yə müraciət olunub.

Belə deyirlər ki, sonuncu ölən ümidlərdir. Lakin İqrıq sakinlərinin ümidləri hələ ölməyib və yeganə ümid yerləri indi Azərsudur. İnanırıq ki, Azərsu ASC tezliklə onların dağa dönən su problemini həll edəcək və sakinlər aydınlığa çıxacaq. Axı su həm də aydınlıqdı.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.