Ölkə

Azərbaycan 5 erməni hərbçini Ermənistana qaytardı

19 Oktyabr 2021 19:14

Baxış: 1 990

Azərbaycan 5 erməni hərbçini Ermənistana qaytarıb.

Milli.Az Trend-ə istinadən xəbər verir ki, bununla bağlı general Rüstəm Muradov Bakıdan İrəvana uçuş həyata keçirib.

Məlumata əsasən, general Muradov təhlükəsizlik qüvvələrimiz tərəfindən saxlanılaraq həbs edilən beş erməni hərbçini Ermənistana aparıb.

Mənbə bildirir ki, məsələ Azərbaycan ordusuna və əhalisinə qarşı ağır cinayətlərdə iştirak etməyən erməni əsgərlərinə aiddir. Məlumdur ki, köçürülən hərbçilərin ən azı bir hissəsi 27 may 2021 -ci ildə Kəlbəcərdə Azərbaycan ərazisinə girmək istəyərkən saxlanılan iki RDG -nin üzvüdür.

Həbs edildikdən təxminən bir il sonra azadlığa buraxılmaları, şübhəsiz ki, Bakının başqa bir humanist jestidir.

Milli.Az