Ölkə

Azərbaycanda ata övladını hər gün bu vəziyyətdə məktəbə aparır - VİDEO

11 Oktyabr 2021 16:10
0 Şərh     Baxış: 1 202
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Astaranın uçqar dağ kəndi olan Miki kəndində ata 14 yaşlı qızını çiyninə alaraq yaxınlıqdakı çaydan keçirir və onu məktəbə yola salır.  Payız-qış aylarında bu vəziyyət bir qədər təhlükəlidir. Fuad Salayev həm özünün, həm də övladının həyatını təhlükəyə atır. Ailənin əsas istəyi çayın üzərində piyada körpüsünün salınmasıdır. Məsələyə kənd bələdiyyəsi aydınlıq gətirib.

Astarada ata 14 yaşılı qızını kürəyinə alaraq çaydan keçməklə məktəbə aparır.

Milli.Az Xəzər TV-yə istinadən bildirir ki, görüntülər rayonun ucqar kəndi olan Mikidəndir. Kənd sakini Fuad Salayev qızını məktəbə aparmaq üçün evinin qarşısındakı çayı keçməli olur.

Bununla bağlı sosial şəbəkələrdə paylaşılan görüntülər geniş müzakirələrə səbəb olub. 

Qızının təhsili üçün fədakarlıq edən təkcə atası deyil. Fuad Salayev evdə olmayanda qızı eyni üsulla anası çaydan keçirir. Bu səbəbdən qadının səhhətində müəyyən problemlər yaranıb. 

Məsələ ilə bağlı Miki kəndinin daxil olduğu Siyaku kənd bələdiyyəsinin sədri Ramin Dədəyev  bildirib ki, sözügedən şəxs iki il əvvəl onlara müraciət edib. 

Vətəndaş Fuad Salayev isə iddia edir ki, 2007- ci ildən 6 sot torpaq sahəsində tikdiyi ev kəndin keçmiş bələdiyyəsi tərəfindən ona qanuni şəkildə verilib. İndi ailənin əsas istəyi çayın üzərində piyada körpüsü salınsın. Övladı da digər uşaqlar kimi  təhsil almaq üçün atasının kürəyində deyil, özü məktəbə gedib-gələ bilsin.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.