Ölkə

Vətəndaşlara saxta bilet satan qadın turizm şirkətlərinə qarşı da dələduzluq edib - VİDEO

8 Sentyabr 2021 16:30
0 Şərh     Baxış: 951
VTB-də minimal faiz dərəcəsi ilə nağd kredit 10.49%-dən

Şirkət rəhbəri əvvəl Bakıda, sonra isə Şəmkir rayonunda turizm şirkəti adı ilə dələduzluq edib, saxta biletlər satıb. Bununla yanaşı, digər turizm şirkətlərini də aldadıb.

Milli.Az Xəzər TV-yə istinadən bildirir ki, söhbət "ArkanTur" adı altında fəaliyyət göstərən şirkət və onun rəhbəri Tünzalə Əliyevadan gedir.

10 ildir ki, Bakıda fəaliyyət göstərən və Şəmkir rayonunda yeni filial açmaq istəyən "Want Travel" şirkətinin rəhbəri Elmira Abdulova öyrənib ki, onun kirayə götürdüyü ofisdə daha əvvəl müştərilərə qarşı saxtakarlıq edən şəxs işləyib.

Maraqlıdır ki, sözügedən şəxs dələduzluq əməllərini təkcə bilet almaq istəyən müştərilərə qarşı yox, həm də turizm şirkətlərinə qarşı törədib. Elmira Abdulova isə artıq bu adamın əməllərindən ikinci dəfə zərər çəkir.  Zərərçəkən vətəndaşların müraciətlərinə əsasən Tünzalə Əliyevaya qarşı hüquq-mühafizə orqanları tərəfindən tədbirlər görülməsinə başlanıb.

Hazırda Tünzalə Əliyeva barəsində cinayət işi başlanıb. Araşdırmalar davam etdirilir.

Mövzu ilə bağlı daha ətraflı videomaterialı təqdim edirik:

Milli.Az 

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.