Ölkə

"Azərsu": Neftçala və 7 kəndin içməli su təminatı üçün texnika ayrılıb

5 İyun 2020 18:14
Baxış: 1 124
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

"Azərsu" Açıq Səhmdar Cəmiyyəti (ASC) Neftçala rayonu və onun 7 kəndində yaranan içməli su qıtlığı ilə bağlı tədbirlər görür.

Milli.Az xəbər verir ki, bu barədə Trend-ə açıqlamasında "Azərsu" ASC-nin İctimaiyyətlə əlaqələr şöbəsinin müdiri Anar Cəbrayıllı deyib.

Onun sözlərinə görə, hazırda bununla əlaqədar əraziyə 7 su maşını cəlb edilib: "Kür çayında suyun səviyyəsi aşağı düşdüyündən dənizin suyu çaya qarışıb və nəticədə həmin sudan istifadə mümkün deyil. Buna görə artıq sugötürən nasosların da fəaliyyəti müvəqqəti dayandırılıb. Hazırda Şirvan-Muğan qrup su kəmərinin Salyan rayonu ərazisindən keçən hissəsindən su götürülərək anbarlara verilir, həmin anbarlarda su modul qurğularla təmizlənərək su maşınları vasitəsilə Neftçala rayonuna daşınır".

A.Cəbrayıllı bildirib ki, artıq 2 gündür Neftçalanın mərkəzi və 7 kəndin içməli su təminatı bu yolla tənzimlənir.

Xatırladaq ki, Kür çayında suyun səviyyəsinin azalması nəticəsində Xəzər dənizindən duzlu su Kür çayına axmağa başlayıb. Nəticədə, Neftçala rayonu və onun 7 kəndində içməli su problemi yaranıb.

Milli.Az 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.