Ölkə

Bayılda yaşayış sahəsində dezinfeksiya işləri davam etdirilir - FOTO

4 Aprel 2020 12:44
0 Şərh     Baxış: 666

Bayıl yaşayış sahəsində maarifləndirmə və dezinfeksiya işləri davam edir.

Milli.Az Trend-ə istinadən əbər verir ki, Səbail rayonu, Bayıl yaşayış sahəsi, Qurban Abbasov küçəsində yerləşən ümumi sahəsi 500 kvadratmetr olan "Vannikov" parkında, eyni zamanda qeyd olunan ərazidə ümumilikdə 5300 sakinin yaşadığı 9 küçədə yerləşən 32 çoxmənzilli yaşayış binasının ümumi istifadədə olan hissələrində və 94 fərdi yaşayış evinin ətrafında Səbail Rayon İcra Hakimiyyətinin (RİH) təşkilatçılığı ilə təkrar dezinfeksiya işləri həyata keçirilib.

Parkda quraşdırılmış oturacaqlar, işıq dirəkləri, tullantılar üçün nəzərdə tutulmuş qutular və burada əkilmiş gül kolları, müxtəlif növ ağaclar xüsusi dərman məhlulları ilə dezinfeksiya olunub.

Eyni zamanda, xüsusi karantin rejiminin tələb və qaydalarına əməl olunması ilə əlaqədar Səbail Rayon İcra Hakimiyyəti yanında yaradılan mobil qruplar tərəfindən əhalinin sıx toplaşdığı ərazilərdə maarifləndirmə tədbirləri davam etdirilir. Söhbət zamanı yaşlılara, birlikdə toplaşaraq gəzinti edən gənclərə, digər vətəndaşlara Nazirlər Kabineti yanında Operativ Qərargahın qəbul etdiyi qərarlara riayət etmələri tapşırılır.

Milli.Az

Məqaləyə dair fotomateriallar:

loading...

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.