Ölkə

Koronavirus tapılan şəxslə təmasda olan hər kəs nəzarətə götürüldü - RƏSMİ AÇIQLAMA

27 Fevral 2020 10:53
7 Şərh     Baxış: 8 780

Səhiyyə Nazirliyi və İcbari Tibbi Sığorta üzrə Dövlət Agentliyinin mətbuat xidmətləri Azərbaycandan gedən Gürcüstan vətəndaşında virus aşkarlanması barədə birgə məlumatı yayıb.

Milli.Az-a daxil olan məlumatda bildirilir ki, fevralın 25-də İran Islam Respublikasından gələn və Azərbaycan ərazisindən keçərək Tbilisiyə getmiş Gürcüstan vətəndaşında COVID-19 virusunun aşkarlanması haqda məlumatın əsasında Azərbaycan Respublikası Səhiyyə Nazirliyi və İcbari Tibbi Sığorta üzrə Dövlət Agentliyi müvafiq dövlət qurumları ilə birlikdə dərhal araşdırma aparıblar.

Araşdırma zamanı həmin şəxsin gömrük nəzarətindən keçməsini əks etdirən kadrlar ciddi təhlil edilmiş və Astara gömrük-keçid məntəqəsindəki yoxlama anında onun hərarətinin norma daxilində olduğu müəyyənləşdirilib, səhhətində şübhə doğuran əlamətlərin qeydə alınmadığı aşkar edilib.

Mümkündür ki, xəstəliyin xarakterinə uyğun olaraq Astara gömrük-keçid məntəqəsindən Gürcüstan sərhədinə qədər məsafənin qət edildiyi 10-12 saat ərzində xəstəliyin əlamətləri üzə çıxıb. Beləki, virusun inkubasiya dövrü 14 günə qədərdir və həmin müddətdə xəstəliyin simptomları gizli qala bilər.

Göstərilən faktla bağlı bütün tədbirlər görülür. Dövlət sərhədini keçmiş Gürcüstan vətəndaşları ilə təmasda olan şəxslər, o cümlədən gömrük, sərhəd, tibb işçiləri müəyyənləşdirilib və onlar tibbi nəzarətdədir.

Milli.Az

loading...

Şərh yaz:

7 Şərh:

  • Anonim
    Fizuli Şirvanlı · 27 Fevral 10:5690

    neynəsizdə bu virus bizdə çıxmaqına imkan verilməyəcək, sözün hər iki mənasında)

    Cavab yaz
  • Anonim
    RR · 27 Fevral 11:01280

    Nağıla baxın...bizim kömrükdən keçəndə viruslar gizlənib, gürcülərin kömrüyündə özünü ələ verib...)

    Cavab yaz
    • Anonim
      aea · 27 Fevral 11:22180

      Azərbaycanda yaşayışı görüb virus, ona görə qalmaq istəmədiyinə görə gizlənib...))) Virus da Azərbaycandan otkaz elədi

      Cavab yaz
  • Anonim
    Hekim Eldostu · 27 Fevral 11:2792

    Xahiw olunur ajiotaj yaratmiyasiniz. Ancaq ajiotaj olmasin,bes her gun minlerle gediw-geliw eden insanlarda da axi temperatur yuksek olmur. Belke evlerine catandan sonra coxunun temperaturu qalxir. Ajiotaj olmasin butun dunya deyib bir-birine biz xestelik menbeyi ile serheddi acib milleti gonderirik odun icine.Ajiotaj olmasin,men demiwdim yene tekrar edirem sonra kecen her gun ucun teessuf edeceyiik!

    Cavab yaz
  • Anonim
    .... · 27 Fevral 12:48110

    Ne yaxsi bilirler inkubasiya dovru 14 gun du, bes onda sadece qizdirmasini yoxlayib buraxdiginiz o qeder adam da bu xestelik 14 gun erzinde cixsa onda ne olacaq?

    Cavab yaz
  • Anonim
    İlqar · 27 Fevral 20:0140

    Sərhədləri bağlayın, bu çağrılmamış qonaqdı, sonra gec olacaq

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.