Ölkə

Artıq borc yazan “Azəriqaz” əməkdaşı cəzalandı - YENİLƏNİB - FOTO

21 Yanvar 2020 17:17
3 Şərh     Baxış: 2 750

17:17

"Abonentə artıq borc yazan "Azəriqaz" əməkdaşı cəzalandırılıb".

Milli.Az-a bu barədə məlumatı qurumun mətbuat xidmətinin rəhbəri Ceyhun Səfər verib. Bildirib ki, göstəricidə mexaniki səhvə yol verilib və yaxın zamanda məsələ həllini tapacaq:

"Vətəndaşa vəziyyət izah olunub. Səhvə yol verən Lənkəran Rayon Qaz İstismar İdarəsinin əməkdaşı cəzalandırılıb. Səhvin düzəldilməsi üçün sadəcə müəyyən qədər vaxt tələb olunur. Burada rəsmi şəkildə bir neçə prosedur keçirilməlidir. Göstəricidə yol verilən səhvlə bağlı düzəliş olacaq". Xatırladaq ki, Masallı rayon Qızılavar kənd sakini Cəsarət Şahbazov redaksiyamıza müraciət edərək ona verilmiş qəbzdə qaz sərfiyyatı 1566 kub metr yazılsa da, sayğacda son göstəricinin 1329 kub metr olduğunu, 60 manat artıq borc yazıldığını söyləmişdi.

--------

15:44

"Azəriqaz"dan verilmiş qəbzdə son göstərici 1566 kub metr qeyd olunub, ancaq sayğaca baxıram 1329 kub metr göstərir.

Milli.Az xəbər verir ki, bu sözləri qafqazinfo-ya müraciətində Masallı rayon Qızılavar kənd sakini Cəsarət Şahbazov deyib.

Bildirib ki, yanvar ayının 9-da ona qaz sərfiyyatı ilə bağlı ödəniş qəbzi verilib. Həmin zaman qəbzdə qaz sərfiyyatı 1566 kub metr yazılıb. Ancaq istifadəçi 15 yanvar tarixində sayğaca baxan zaman son göstəricinin hələ 1329 kub metr olduğunu görüb:

"Qəbzdə göstərilib ki, 158 manat borcum var. Hesabladığım zaman görürəm ki, 60 manat artıq borc yazılıb. Məsələ ilə bağlı qaz idarəsində ərizə yazmışam, qəbzi də götürdülər. Baxılacağı bildirilsə də, hələ də bir xəbər yoxdur. Lənkəran Rayon Qaz İstismar İdarəsindən zəng vurub və sayğacın şəklini istəyiblər. 10 gündən çox qazdan istifadə etməyimizə baxmayaraq hələ bu gün də mənim sayğacım 1500 kub metrə çatmayıb".

Şikayətlə bağlı "Qafqazinfo" "Azəriqaz" İB-yə müraciət etsə də, rəsmi cavab hələ də verilməyib.

Milli.Az

Məqaləyə dair fotomateriallar:

loading...

Şərh yaz:

3 Şərh:

  • Anonim
    Ana · 21 Yanvar 16:0610

    bizdədə belədi birdene iran peçi birdü dörd göz işledirem aya 90 manat çek getirirler kişide ödeyir deyirem ged düş üsderne marqlaanda yox yerinden terpünmir

    Cavab yaz
  • Anonim
    kasıb · 21 Yanvar 20:1210

    yevlaxda da belədir neçə ildir başımıza oyun açırlar beləki dekabrın 14ü gəlib qəbz yazdılar limiti keçmişdik nə vardısa hamısını ödədik dekabrın 31ə kimi gözlədik gəlib yerdə qalan 17 günün qəbzini yazmadılar ki pulu ödəyək köhnə ildən qurtaraq yanvarın 8də gəldilər dekabrdan 17 gün yanvarın 8 gününü də limitdən əlavəyə vurub 17günə əlavə edib qəbzi verdilər nə üçün belə etdiklərini soruşanda dedilər ki hara gedib şikayət edirsinizsə edin bütün respublika belə edir bizə belə tapşırıblar biz də belə hesablayırıq keçən ildə belə olub 2həftə dekabr 1həftə yanvar aparıb 80manat qaz pulu ödəmişik yəni tək biz yox bütün yevlax rayonu bu gündədir

    Cavab yaz
  • Anonim
    Siyavuş · 21 Yanvar 21:4800

    Eyni hal mənim ücün yazılmışdı 8 aydı hələdə araşdırıb bir tərəfə çıxmayıblar üsdəlikdə 50 manatın 25 manatını işlətdim 25 manatını işlətməmişəm sayğacı dəyişdilər həmən artıq yazmağa görədə 20 qəpikdən heysaplandı

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.