Ölkə

"İkisi də ölməli idi, çünki namussuzluq idi" - Əmisi oğlunun arvadı ilə qaçan şəxsi öldürməkdə suçlananların iş

5 Dekabr 2019 14:01
13 Şərh     Baxış: 10 723

Qubada qohumunun arvadını qaçıran şəxsi döyərək öldürməkdə təqsirləndirilən şəxslər növbəti dəfə hakim qarşısına çıxarılıb.

Milli.Az musavat.com-a istinadən xəbər verir ki, Bakı Ağır Cinayətlər Məhkəməsində qətl törətməkdə ittiham edilən Şahmar Əsədov, Sadıq Dadaşov, Pərviz Əsədov, Mətləb Muradov, Zabit Yolçiyev və Nazim Mikayılovun cinayət işi üzrə məhkəmə iclası baş tutub.

Hakim Mahmud Ağalarovun sədrliyi ilə keçirilən məhkəmə prosesi başlamazdan əvvəl təqsirləndirilən şəxslərdən Mətləb Muradov məhkəməyə etiraz edib. O bildirib ki, ona qarşı irəli sürülən ittiham əsassızdır.

"Mən günahsız yerə həbsdəyəm. Niyə kiminsə yerinə həbsxanada qalmalıyam? Bir il bir aydan çoxdur ki, həbsdəyəm. Məndən 20 min rüşvət istədilər ki, azadlığa buraxsınlar"- deyə Mətləb Muradov söyləyib.

Ərinin əmisi oğlu ilə qaçan qadın ile ilgili görsel sonucu

Hakim bildirib ki, məhkəmənin indiki mərhələsində şahidlər dindirilir.

Hakim izah edib ki, iş araşdırılmadan heç bir fikir bildirilə bilməz: "Gözləmək lazımdır ki, araşdırmanın nəticəsi nə olacaq? Biz sizi də dindərəcəyik, araşdıracağıq. Sonra qərar veriləcək".

Bu fikirlər Mətləb Muradovu qane etməyib və o yenə də məhkəməyə etiraz etdiyini bildirib: "Bu ittihamda yazılanları oxumusunuz? Mən ifadələrin heç birinə imza çəkməmişəm. 150-dən çox adamı buraxıb məni tutdular. Mən heç nə eləməmişəm".

Hakim qərara alıb ki, Mətləb Muradov dindirilsin.

Muradov ifadə verməyə başlayıb: "Mən işdə olan izahatı verməmişəm. Mənim adımdan yazıblar. Mən buna etiraz edirəm".

Hakim Muradova xəbərdarlıq edib ki, məhkəmə istintaqı bu cür qaranlıq məqamları araşdırmaq üçündür və buna görə də gözləmək lazımdır.

Amma Mətləb Muradov bununla razılaşmayıb və etiraz olaraq məhkəməyə üzünü çevirib.

Pərviz Əsədov (Pərviz mərhum Elşada qoşularaq qaçan qadının qaynıdır) ifadə verib. O deyib ki, hadisəyə görə hər iki şəxs ölməli idi. O, bunu belə izah edib ki, hər iki şəxsin etdiyi hərəkət namussuzluqdur.

Bununla belə, Əsədov deyib ki, ölən şəxsə heç nə etməyib.

Vəkillərin suallarından məlum olub ki, Pərviz Əsədov qardaşının arvadı ilə qaçan şəxsin ölümünü istəsə də, ona heç nə etməyib.

Əsədov bunun səbəbini belə izah edib: "Hamı orda idi. Elman mənə dedi ki, sənin işin olmasın".

Digər təqsirləndirilən Zabit Yolçuyev də məhkəmədə ifadə verib. Onun dediyinə görə, mərhum Elşad Əsədov qətl hadisəsi baş verən meydana gətiriləndə onun maşınında olub:

"Biz meydana çatanda adam çox idi. Təxminən 200 nəfər olardı. Maşına hücum elədilər. Mən də qışqırdım ki, maşını sındırmayın. Hamı Elşadı vurmaq istəyirdi, amma hamısının vurması mümkün deyildi. Elşad top kimi ortada fırlanırdı. Mən qaranlıq olduğu üçün Elşadı vuranların üzünü görməmişəm. Bir onu eşitdim ki, Elman qışqırırdı ki, öldürməyin. Deyirdi ki, Elşad ölsə, onu tutacaqlar. Çünki onu kəndə o gətirmişdi".

Prosesdə Nazim Mikayılov ifadə verib. O deyib ki, həbs edilənlərdən Pərviz və Şahmar onun bacısının oğullarıdır.

"Bacım mənə dedi ki, gəlin qaçıb. Sonra işlər uzandı. Mən dedim ki, oğlan bizə lazım deyil. Özləri nə edirlərsə, eləsinlər. Mənim heç bir təqsirim yoxdur. Hadisəni televizorda göstərəndə dedilər ki, 5 nəfər həbs edilib. Ondan sonra da məni tutdular. Mənə işgəncə verilib. Dedilər ki, səndə bıçaq var. Mən də boynuma almadım. Məni buraxdılar. 4 gün sonra da həbs edildim".

Məhkəmə araşdırması davam etdirilir.

İttihamda yazılır ki, təqsirləndirilən şəxslər Aynur Əsədova və Elşad Əsədovun birlikdə qoşularaq Bakıya qaçdıqlarını öyrəniblər. Onlar bunu namuslarına toxunmaq kimi qiymətləndiriblər. Buna görə də Aynur və Elşadı axtarmaq üçün Bakıya gəliblər. Hər ikisini taparaq Qubaya aparıblar.

Qubada olarkən əvvəlcə Sadıq Dadaşov maşında oturan Elşad Əsədova bıçaqla zərbə endirib. Daha sonra digər təqsirləndirilən şəxslər Elşadı maşından düşürərək çoxsaylı bədən xəsarətləri yetiriblər. Elşad aldığı xəsarətlərdən hadisə yerində dünyasını dəyişib.

Elan olunmuş ittihamla Sadıq Dadaşov və Şahmar Əsədov özlərini qismən təqsirli biliblər.

Pərviz Əsədov, Mətləb Muradov, Zabit Yolçuyev və Nazim Mikayılov isə özlərini təqsirli bilməyiblər.

25 yaşlı Aynur Əsədova həyat yoldaşının əmisi oğlu 26 yaşlı Elşad Əsədov tərəfindən qaçırılıb. Məlumata görə, qadın öz razılığı ilə E.Əsədovla birgə gedib.

Hadisədən sonra qızın atası Sadıq Dadaşov, qohumları Elman Muradov və Mətləb Muradov E.Əsədovu döyərək ona ağır bədən xəsarəti yetiriblər. E.Əsədov aldığı xəsarətlərdən dünyasını dəyişib.

Onlara qarşı Cinayət Məcəlləsinin 120.1-ci (qəsdən adam öldürmə) və 120.2.4-cü (xüsusi amansızlıqla qəsdən adam öldürmə) maddələri ilə ittiham irəli sürülüb.

Milli.Az

loading...

Şərh yaz:

13 Şərh:

  • Anonim
    Sovet vətəndaşı · 5 Dekabr 2019 14:11135

    Dəhşətlə oxudum. Elə bil Talibancilarin hansısa edamından oxudum. Bu nə vəhsilikdi? Bu hadisədən sonra necə neçə evlilər qaçaraq yeni həyat qurublar. Onlar niyə edam edilməyib görən?

    Cavab yaz
    • Anonim
      kate · 5 Dekabr 2019 14:2682

      Bunları cəzalandıranları, hətta cəzalandıranları görənləri, hətta yaxşı ediblər dyənləri ele susdurublar ki, indi qaçan qaçana. kişilər gəlib evdə arvadını görəndə, qadınlar da əri işdən evə gələndə şukur bu gün də heç kəslə qaçmadına şükr edər hala gəldik.

      Cavab yaz
      • Anonim
        Sovet vətəndaşı · 5 Dekabr 2019 14:4222

        Çox düz

        Cavab yaz
      • Anonim
        Mən · 5 Dekabr 2019 16:3000

        Bravo

        Cavab yaz
  • Anonim
    M · 5 Dekabr 2019 14:2795

    Tepenize das dussun, ay das dovrunun qanmaz adamlari! Arasdirilasi olsan ordakilarin 90 faizi olenden de beter gunahkardirlar.Ozlerini mesum sayirlar.Bes bu dovletin polisi , mehkemesi yoxmu ki, siz ozbasinaliq edib adam getirib oldurursuz? Indi de kimse boynuna almir, sanki goyden gelib oldurduler.Istemediyi adamla omur boyu zulum cekmekdense qacibdi, ne etmelidi ki? Indi xosluqla kim bosanir ki? Insallah eli olanin hamisi en aqir ceza alar.

    Cavab yaz
    • Anonim
      ? · 5 Dekabr 2019 17:3043

      Maraqlidi sizcə dovlətin polisi,məhkəməsi o adama nə cəza verəsiydi ? Qanunlarimizda belə maddə yoxdu axi ,cox olsa birazca pulunu alib buraxacaqdilar ,duz ediblər,heyfki qadin sag qalib ,gərək əvvəldən bir iki nəfər gunahi ustunə goturərdi ,bunca adam gudaza getdi

      Cavab yaz
  • Anonim
    Metanet · 5 Dekabr 2019 14:3462

    Olmelidirler deyenin ozunu de adam oldurduyune gore olmelisen deyib gebertmek lazimdi.Sizin gunahiniz onunkundan cox oldu.Insallah hamisi hebsde curusun.Namus da bunlarin elinde behane olub.Terrorcular Allah deyib adam oldururler, bunlar da namus deyib adam oldururlar.Allah taniyib seven bele vehsilikler etmez.

    Cavab yaz
  • Anonim
    Alina · 5 Dekabr 2019 14:5181

    Belə hadisələrin qarşısını almaq üçün zina edənlərə dövlət səviyyəsində cəza kəsilməlidir deyirik adam öldürən vəhşidir mən də elə düşünürəm ancaq ailəsini atan qadına və ya kişiyə dövlət cəza kəsməyəndə axırı belə olur

    Cavab yaz
  • Anonim
    Metanet · 5 Dekabr 2019 15:0250

    Eslinde bizim milletde bosanmaq edebini bilmirler.Evlenmesini bilen bosanmasini da bilmelidir.Inanin ki, bu hadiselerin 90 faizi bu sebebden olur.Insani evden qacmaqa vadar eden mecburluqlar olar.Yoxsa, ister kisi, ister qadin zulumlu heyati niye yasasin ki?

    Cavab yaz
  • Anonim
    Oxucu · 5 Dekabr 2019 15:0752

    Deyir ki 200 adam var idi orda, deməli 1 nəfərin üstünə ordu yığışıb, amma hansını dindirirlər deyir mən heçnə eləməmişəm, mən günahsızam. yəqin yadplanetlilər olub döyüb öldürənlər. Maraqlıdır, məhkum deyir ki, "niyə kiminsə yerinə həbsxanada qalmalıyam?". Bəs yaxşı, niyə kiminsə yerinə adam öldürürsən? Öldürülməsinə şərait yaradırsan? Mən cəzalandırım, amma özüm cəzalanmayım.

    Cavab yaz
  • Anonim
    Detektiv · 5 Dekabr 2019 15:36103

    Bu cinayete sebeb olan qadin niye muhakime olunmur? Axi bir neferin olumune ve digerlerinin hebsxanaya dusmesine sebeb olan odur. Bu huquq qanunveciliyimizde olan bosluqlardan biridir.

    Cavab yaz
    • Anonim
      Oxucu · 5 Dekabr 2019 16:1135

      Boşluq niyə olur, evdən getmək, başqa kişi ilə qaçmaq cinayət əməli deyil və təbii olaraq da Cinayət Məcəlləsində buna aid heçnə yoxdur. Əgər bir qadın kimisə öldürməyə təhrik etsə, qətli sifariş etsə, cinayətdə iştirak etsə, qatillə əlbir olsa, yaxud cinayəti görüb-bilib gizlətsə, o zaman məhkum olunar. Yoxsa ki qadının əlini-qolunu bağlayıb maşına basıb gətiriblər kəndə, salıblar evə (evdə nə cəza veriblər orasını Allah bilir), bu halda dövlət o qadına nə cəza verə bilər ki? Hər kəsin başında öz ağlı var, bu kütləni kimsə məcbur etməyib ki qatil ol, özləri könüllü ediblər.

      Cavab yaz
    • Anonim
      oxu. · 6 Dekabr 2019 02:4252

      Bir namusuz qadın bədənin həşirindən ölə öldü tutulan-tutuldu evləri viran oldu..Balalar.yetim qaldı..Allah pis şərəfsiz qadının bəlasını versin. Belə qadının ............nə isə..

      Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.