Ölkə

Tələbə qızların nədən zəhərləndiyi BİLİNDİ - FOTO

21 Noyabr 2019 16:05
6 Şərh     Baxış: 17 436

İlkin araşdırmalara və digər tələbələrin verdiyi məlumata görə, zəhərlənmə ev şəraitində hazırlanaraq konservləşdirilmiş və ya marketdən alınmış qidalardan ola bilər. Hadisə gecə saatlarında baş verib. 

Milli.Az qafqazinfo-ya istinadən xəbər verir ki, bunu Bakı Dövlət Universitetinin sosial məsələlər, tələbələrlə iş və ictimaiyyətlə əlaqələr üzrə prorektoru Əliş Ağamirzəyev deyib. 

O bildirib ki, tələbələr özlərini yaxşı hiss etmədiklərinə görə təcili tibbi yardım çağırılıb: "3 tələbə olub otaqda. Onların vəziyyəti yaxşılaşandan sonra tibbi yardım binanı tərk edib. Amma çox təəssüf ki, səhər saatlarında tələbələr yenidən özlərini pis hiss ediblər. Onlardan biri dünyasını dəyişib. Ailəsinə başsağlığı veririk. 

Prorektor əlavə edib ki, digər iki tələbə 1 saylı Kliniki Tibbi Mərkəzdə müalicə alır: "Onlar həkimlərin tam nəzarəti altındadır, şükür ki, həyati təhlükələri yoxdur. Hadisə özü isə birbaşa universitetin rəhbərliyinin tam nəzarətindədir. Bu hadisədən çox təəssüflənirik..."

Əliş Ağamirzəyev BDU-nun tələbələrinə tövsiyə də verib: "Öz qidalarına, gigiyenik qaydalara riayət etsinlər ki, belə bədbəxt hadisələr baş verməsin". 

Prorektor vurğulayıb ki, yataqxana binasında qaz olmayıb. Qeyd edib ki, hazırda həkimlərin yekun rəyini gözləyirlər. 

Dilrubə Quliyevanın əmisi İlqar Quliyev qardaşı qızının vəziyyəti ilə bağlı açıqlama verib. O, tələbələrin qidadan zəhərləndiyini qeyd edib:

"Qida zəhərlənməsidir. Baş həkimlə görüşdüm, ümidverici danışdı. Üçü də eyni balıqdan zəhərlənib".

Milli.Az

Məqaləyə dair fotomateriallar:

loading...

Şərh yaz:

6 Şərh:

  • Anonim
    Ququ · 21 Noyabr 16:3521

    Mende 4 il evvel kanserv balixdan zeherlendim 4 gun yatdim sodali su icdim qusdum duzeldim gerey qizlar evvelden bele etseydi olmezdiler qanina kecib zeherlenib

    Cavab yaz
    • Anonim
      Alınmır da fikir verməmək.. · 21 Noyabr 17:1660

      balix yox balıq.

      Cavab yaz
  • Anonim
    maqa · 21 Noyabr 20:40160

    eger zeherlenme elametleri olubsa neye gore tecili yardim omlari xestexanaya aparmayib medelerini yumayiblar burda hekim sehlenkarligida gorurem

    Cavab yaz
    • Anonim
      Oxucu · 22 Noyabr 12:2820

      Doğru deyirsiz. Təcili yardım gəlib gedəndən sonra xəstələrdən biri ölüb, digərləri ağırlaşıb. Deməli məhz həmin təcili yardım həkimə cinayət işi açılmalıdır. Ölüm halının qarşısını almadığına görə. Zəhərlənmələrdə ölüm ehtimalı yüksəkdir, toksik maddə qana keçir, bütün vücudu zəhərləyir, bunu həkim bilmir ki onları o vəziyyətdə qoyub çıxıb gedib? Çox da ki deyiblər yaxşıyıq, həkimlər lazım olsa məcburi tədbirlər görməlidirlər.

      Cavab yaz
  • Anonim
    s · 22 Noyabr 10:2520

    .Tacili yardim briqadasi bilibsa zaharlanmadir niya onlari xastaxanaya geturmuyub.Cox biganalik gestariblar.Na yardim edib? Agar yumayibsa madani.hec olmasa bir maslahat verardilar .qizlar coxlu su icib suni qusma yaradardilar.O tacili yardim briqadasi deyilmiw na imiw.Onu aidiyyati qrumlar arawdirsin.Yataqxananin vaziyyati barbad.Bir gancimizi da itirdik.hakimlarin sahlankarliqi ucbatinnan.

    Cavab yaz
  • Anonim
    Oxucu · 22 Noyabr 10:4041

    100 illiyini qeyd etdiyimiz Bakı Dövlət Universitetinin yataqxanası bərbad gündəymiş. Biabırçılıqdır. Elə o şəraitdə yaşamağın özü gigiyenik tələblərə cavab vermir. Hara baxırsız ay aidiyyəti qurumlar?

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.