Ölkə

Qənd alarkən DİQQƏTLİ OLUN - Bakıda istehsal sexində dəhşətli mənzərə - FOTO

20 Avqust 2019 11:54
5 Şərh     Baxış: 4 392

Azərbaycan Respublikasının Qida Təhlükəsizliyi Agentliyi (AQTA) ölkədə qida təhlükəsizliyinin təmin edilməsi və əhalinin sağlamlığının qorunması istiqamətində monitorinqləri davam etdirir.

AQTA-dan Milli.Az-a verilən məlumata görə, həyata keçirilən monitorinqlər çərçivəsində Agentlik əməkdaşları tərəfindən Nərimanov rayonu, İslam Abışov, ev 6 ünvanında yerləşən fiziki şəxs Novruzov Əbdulla Əmir oğluna məxsus "Araz" əmtəə nişanlı qənd istehsalı sexinə baxış keçirilib.

Baxış zamanı sexdə məhsulların istehsalında sanitariya-gigiyena və texniki normativ sənədlərin tələblərinə əməl edilmədiyi müəyyən olunub.

Sexdə preslənmiş kəllə qəndin istehsalı zamanı texnoloji ardıcıllıq prinsipinin pozulduğu, bişmə prosesi təbii qaz vasitəsi ilə həyata keçirilsə də, təhlükəsizlik tədbirlərinin görülmədiyi, istehsal sahəsinə daxil olan suyun toksikoloji, mikrobioloji müayinələrinin aparılmadığı aşkar edilib.

Məlum olub ki, şəkər tozu təmizlənmədən birbaşa bişmə qazanına daxil edilir, qarışdırıcı qazandan preslənmə qurğusuna tökülən şəkər kütləsinin nəmliyinin kütlə payı müəyyənləşdirilmir, bişmə prosesində ticarət şəbəkələrindən qayıdan, üzərində yararlılıq müddəti qeyd olunmayan, antisanitar şəraitdə saxlanılan qəndlərdən istifadə edilir.

Aşkar olunan faktlar əsasında qanunvericiliyin tələbləri çərçivəsində tədbirlər görülüb və sexin fəaliyyəti məhdudlaşdırılıb.

Qənd məhsullarından nümunələr götürülərək Qida Təhlükəsizliyi İnstitunun müvafiq laboratoriyalarına göndərilib.

Faktla bağlı araşdırma davam etdirilir.

Milli.Az

Məqaləyə dair fotomateriallar:

loading...

Şərh yaz:

5 Şərh:

  • Anonim
    Oxucu · 20 Avqust 12:1870

    İnsanlarda vicdan deyilən şey olsaydı biz heç bir dəhşətli mənzərəni izləməzdik.

    Cavab yaz
  • Anonim
    as · 20 Avqust 12:3760

    camaat ancaq cibinin pulunu fikirleşir. milleti zeherlemek hesabına. burunlarınnan gelsin

    Cavab yaz
  • Anonim
    Resid-32 · 20 Avqust 13:1360

    inanin ki bu meselede problemin boyuyu hele bu deyil, seker tozuna neler qatirlarsa bir Allah bilir bir de ozleri. sexsen burda ( rasiyada) qendin, pesoqun sirinliyi ile bakidaki sekerin sirinliyinde hissedilecek qeder ferq edir. bunu ancaq sahidi olanlar testiqleye bilerler. meselen 1-stekan cayi bizde normalda 3-4 cay qasigi sirin edirse burda 2 cay qasigi hemen sirinliyi verir. ferq teqriben 100% e beraberdir. burdan da coxlu sayda susllar yaranir, axi niye beledir??

    Cavab yaz
  • Anonim
    Noname · 20 Avqust 13:3750

    bizə düşmən lazım deyil ozumuz ozumuzə bəs edirik ( ona görə də yerli mal almaqdan qaçırıq...və bir də önəmli məqamı diqqətinizə çatdırım, xarici malların adlarını, qablaşdırmasını olduğu kimi saxlayıb əslində isə Bakıda istehsal olunan malları da araşdırsaz pis olmazdı..yəni dükanlarda görməyə alışdğımız xarici markanı olduğu kimi oğurlayıb,əslində isə burada istehsal edirlər bax belə biabırçı yerlərdə..görəsən o markaların xəbəri var bundan? əminəm ki yox,amma tezliklə olacaq darıxmasınlar görək necə çıxacaqlar bu oğurluğun altından!

    Cavab yaz
  • Anonim
    Patriot · 20 Avqust 22:2710

    Bizim geleceyimizin sonu yoxdur.cünki bele nanecibler insanları zəhərləyib ömrünü qısaldırlar.ona göre xəstəxanalarda insanlar növbəyə dayanıb yaşamaq ugrunda zülm vekirlər.haramınız olsun

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.