Ölkə

Səhiyyə Nazirliyi əhalini ehtiyatlı olmağa çağırdı - SƏBƏB

22 Aprel 2019 15:54
5 Şərh     Baxış: 5 155

Səhiyyə Nazirliyi mövzunun hər hansı bir heyvan tərəfindən dişləmə, tüpürcəklənmə və ya cırmaqlanma baş verdiyi halda dərhal həkimə müraciət etməyi, antirabik vaksinini vaxtında vurdurmağı və əhaliyə ehtiyatlı olmağı tövsiyə edir.

Milli.Az xəbər verir ki, Səhiyyə Nazirliyindən Trend-ə bildirilib ki, heyvanlar tərəfindən cırmaqlama, zədə, dişləmə quduzluq kimi, ağır infeksion xəstəliklə nəticələnə bilər. Quduzluq xəstəliyi zoonoz mənşəli, ölümlə nəticələnən yoluxucu xəstəlikdir. Bu xəstəliyə bütün istiqanlı heyvanlar, xüsusən canavar, tülkü, it, pişik və s. yoluxur. Xəstəlik insana dişləmə, cırmaqlanma və heyvanın ağız suyu vasitəsilə keçə bilər.

Quduzluq xəstəliyinin törədiciləri süzülən viruslardır. Xəstəliyin törədiciləri əksərən baş və onurğa beyin sinirlərində və tüpürcəkdə tapılır. Quduz heyvan tərəfindən dişlənən və ya onların tüpürcəyi insanın dərisində təsadüf edilən sıyrılmış, zədələnmiş yerə düşən zaman xəstəlik baş verə bilər. Xəstəlik 100% ölümlə nəticələnir. Quduzluğun insanların yoluxmasında əsas mənbə itlərdir. Xəstələnənlərin əsas tərkib hissəsi yaş etibarilə fəaliyyətdə olan insanlar və uşaqlar olur. Xəstə olanlarda zədələnmənin lokalizasiyasının orqanizmin təhlükəli hissəsində olması üstünlük təşkil edir. İnsanların aerofobiyaya yoluxması və tələf olmasının səbəbi quduzluğa yoluxmuş heyvanların mövcudluğu və zərərçəkmiş şəxsin vaxtında tibb müəssisəsinə antirabik kömək almaq üçün müraciət etməməsidir, yaxud olduqca gec müraciət etməsidir. Xəstəliyin inkubasiya dövrü 14 gündən 3 aya qədərdir.

Qeyd edək ki, 2018-ci il ərzində Azərbaycanda heyvan dişləməsi və cırmaqlamasından 20 mindən artıq, bu ilin ilk üç ayı ərzində 5 minə yaxın şəxs zərər çəkib.

Milli.Az

loading...

Şərh yaz:

5 Şərh:

  • Anonim
    @@@@@@@@@@@ · 22 Aprel 16:0400

    ooooo statistikaya bax

    Cavab yaz
  • Anonim
    Aqsaqqal · 22 Aprel 16:3910

    Cox hormetli sehiyye nazirliyi,bizim kendde-Goranboy r-nunTapqaraqoyunlu kendinin orta mekteb erazisinde, kendin merkezinde 15-20 sahibsiz itler covlan edir,valideyinler uwaqlarini mektebe eli yabali getirirler.Tedbir lazimdir!

    Cavab yaz
  • Anonim
    Tata · 22 Aprel 16:4040

    Niyə sahibsiz itlər kücələrdən yigişdirilmir bunun bir carəsi tapilmalidir ya yox

    Cavab yaz
  • Anonim
    Alina · 22 Aprel 17:5530

    Bu sahibsiz heyvanları küçələrdən yığıb yaşayış məntəqələrindən uzaqda sığınacaq düzəldin nə şiş yansın nə kabab

    Cavab yaz
  • Anonim
    oxucu · 22 Aprel 23:5400

    Binəqədi kəndi də sahibsiz itlərlə doludur, hətta məktəblərin həyətlərinə də gəlirlər, yollarda uşaqları da qovurlar, amma məhəl qoyan yoxdur.

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.