Ölkə

“Guya bilmirdiz ki, 100 manata “Gucci” çantası olmaz?!...” - Bakının "Brend" mağazaları təşviş içində

7 Fevral 2019 19:29
16 Şərh     Baxış: 5 008

Xəbər verildiyi kimi bu günlərdə Baş Mütəşəkkil Cinayətkarlıqla Mübarizə İdarəsinin əməkdaşları  tərəfindən Bakıda "brend mallar" mağazası kimi məşhurlaşmış "Lady Sharm" mağazalar şəbəkəsinin bir qrup əməkdaşı saxlanılıb.

Bəlli olub ki, Çindən gətirilən mallara gizli sexlərdə "Chanel", "Fendi", "Dolce & Gabbana", "Valentino", "Christian Dior" kimi tanınmış firmaların saxta etiketi vurulandan sonra mağazalarda dəyərindən dəfələrlə baha qiymətə satılırmış. Habelə bu mafiozlar özləri Bakıda gizli sexlər açaraq geyimlər istehsal edib, onların üzərinə məşhur brendlərin etiketlərini vuraraq maya dəyərindən on dəfələrlə baha satıb.

Qeyd edək ki, yerli telekanallarda hər gün reklam edilən mağazalar şəbəkəsinin müştəriləri  arasında şou-biznes əhli də var. Belələləri hər gün "efirlərdə", müxtəlif iyrənc şou proqramlarda "Lady Sharm" mağazalarından aldıqları "bahalı" geyimləri ilə öyünürdülər.

Milli.Az Virtualaz.org-a istinadən xəbər verir ki, uzun illərdir müştəriləri aldadan mağazalar şəbəkəsi "Bandotdel"in keçirdiyi əməliyyata baxmayaraq hələ də fəaliyyətdədir, sex malları müsadirə edilsə də, tanınmış brendlərin reklamları vitrinlərdən yığışdırılmayıb.

"Gucci" çantası 100 manata?

...Metronun "Neftçilər" stansiyasının yaxınlığındakı "Lady Sharm" mağazasında bütün mallara hazırda 50 faiz endirim təklif edilir. Satıcılar deyirlər ki, "Chanel", yaxud "Christian Dior" firmasından olmasa da, geyimlər İtaliya və Türkiyədən gətirilib. "Sexlərdə etiketi dəyişdirilmiş mallar artıq yığışdırılıb", -mağazanın özünü təqdim etməyən satıcısı bizi müştəri zənn edib məlumat verir.

Ayaqqabı və çanta bölməsində məşhur brendlərin reklamları sökülməyib, satıcı bununla bağlı sualımıza bir qədər sərt cavab verir: "Guya bilmirdiz ki, 100 manata "Gucci" çantası olmaz? Yaxud  50 manata təmiz dəri ayaqqabı almaq istəyirdiz? Nə fərqi var, əsas keyfiyyəti yaxşı olsun".

Alıcılardan biri  yun köynəyi noyabrda 157 manata aldığını, indi isə 35 manata endirilmə səbəbini soruşur. Satıcı deyir ki, payız-qış mövsümünün mallarına endirim var, yeni mallar gətirilməlidir.

"Siz bizim mağazalardan mal almısız",-satıcı müştərini sakitləşdirmək üçün bizdən kömək gözləyir. Cavab veririk ki, bu mağzada brend mallar satıldığına əmin olmamışıq.

"Müğənni zəng vurub deyir ki,  biabır olmuşam..."

Satıcılardan biri səs-küylü xəbərlərdən şikayətlənir. Deyir ki, dünən mağazanın müştərisi olduğu müğənnilərdən biri zəng vurub biabır olduğunu deyib. "Baxırsan, yalnız brend firmaların adını eşidiblər, amma biabrıçılıqdan danışırlar. Malın keyfiyyətinə fikir verin, brend olub-olmadığını neyləyirsiz", - satıcı deyinir.

Deyirlər ki, rəhbərliyin hansısa əməlinə görə satıcıları qınamaq, onlara əsəbləşmək doğru deyil. "Gedin, digər mağazalara da baş çəkin, hamı belə işləyir, etiket dəyişdirilib satılır, çünki Türkiyədən, İtaliyadan, Fransadan gətirilmiş tullantını Çinin fabrik mallarından üstün tuturlar", -satıcı əlavə edir.

47 manatlıq ayaqqabı 10 manata?

Biz də satıcının tövsiyəsinə əməl edib digər mağazalara da baş çəkirik. "Neftçilər" metrosunun yaxınlığındakı bütün mağazalarda 50-70 faiz endirim elanları yapışdırılıb, hiss olunur ki, "Lady Sharm"dakı yoxlamalar təşvişə səbəb olub, hətta yeni yaz geyimləri belə aşağı qiymətə təklif edilir.

Uşaq geyim mağzasında ötən ay 47 manata satılmış ayaqqabılar 10 manatadır. Satıcı Çindən də mal aldıqlarını gizlətmir, deyir ki, ən yaxşısı düzünü deməkdir.

"LC Waikiki" mağazalar şəbəkəsinin isə həm metronun "Neftçilər", həm də "28 May" stansiyasının yaxınlığındakı mağazalarına baş çəkirik. Mağazalarda malların ekoloji təmiz parçalardan hazırlandığı, gigiyenik sertifikatı olduğuna dair dayanmadan elanlar səsləndirilir. Amma satıcılar gigiyenik sertifikata baxmaq üçün baş ofislə əlaqə saxlamağımızı məsləhət görürlər. Halbuki gigiyenik sertifikat mağazanın özündə olmalıdır ki, müştəri istədiyi zaman sənədlə tanış ola bilsin.

"Firmanın internetdə səhifəsi var, girib baxa bilərsiz, Türkiyədəki mağzalarda da eyni mallar satılır", -satıcılar əlavə məlumat vermək istəmirlər.

"Əsl brend mal istəyirsəndə get "Memi" mağazalarına..."

Alıcılardan biri isə marağımızı görüb deyir ki, brend mal axtarırıqsa "Memi" mağzalarına baş çəkək. Geyinilmiş olsa da, təmiz firma malları yalnız orada satılır.   

Azad İstehlakçılar Birliyininsədri Eyyub Hüseynov deyir ki, artıq uzun illərdir ki, saxta mallarla, o cümlədən "Lady Sharm" mağazasından alınan mallarla bağlı rəhbərlik etdiyi təşkilata xeyli sayda şikayət daxil olub.

"Saxta mallar brend adı altında satılır. Mallar geri qaytarılmır, müştərilərə kassa çeki verilmir. Sahibkarlar üçün yaradılmış azad bazar şəraitindən sui-istifadə olunur. Bizə dəfələrlə bununla bağlı şikayətlər olunub, aidiyati orqanlara rəsmi müraciət etmişik, amma təəssüf ki, bu problemi həll etməyiblər", - təşkilat rəhbəri deyib.

Ekspert əlavə edib ki,  Azərbaycanın əmtəə bazarındakı malların böyük hissəsi burada istehsal olunur: "Çindən və digər ölkələrdən mallar gətirilir, etiket varsa qoparılır, istədikləri etiketi yapışdırırlar. Ölkədə yerli etiket bazarı var, bunlar bahalı printerlərdə çap olunur. Azərbaycanın əmtəə bazarındakı malların böyük hissəsi burada tikilir. Məsələn, ayaqqabıların 70, kostyumların 25 faizi buradakı sexlərin məhsuludur. İstehlakçı isə məlumatı etiketdən alır, onun başqa imkanı yoxdur. Əslində isə, aldığı məhsulun ilkin qiyməti və digər sənədləri də soruşmaq hüququ var. Azərbaycanda satılan əmtəə mallarının 80 fazinin müvafiq sənədləri, məsələn  ilkin qiymət sənədi yoxdur".

Qeyd edək ki, dünən yerli mətbuatda "Femina" xəz-dəri mağazasında da yoxlamalara başlandığı haqda məlumatlar yayılıb, amma mağaza rəhbərliyi məsələ ilə  bağlı açıqlama verməyib. 

Milli.Az

Məqaləyə dair fotomateriallar:

loading...

Şərh yaz:

16 Şərh:

  • Anonim
    ƏSİ. · 7 Fevral 19:58101

    Bunları hamı bilirdi onsuzda.Hesabları kəm olub deyə indimi səs küy yaratdı??:)))))

    Cavab yaz
  • Anonim
    aki2 · 7 Fevral 20:0140

    biyy sabahiniz xeyirr

    Cavab yaz
  • Anonim
    ƏSİ. · 7 Fevral 20:0261

    “Guya bilmirdiz ki, 100 manata “Gucci” çantası olmaz?!...” - Cavabı da ki,məlum:))))))

    Cavab yaz
  • Anonim
    Daglı · 7 Fevral 20:22120

    Sən demə bu mallar heç kitayski də deyil, nə bilim nə zibilskidi

    Cavab yaz
    • Anonim
      Papatya · 7 Fevral 20:5420

      :))))))

      Cavab yaz
      • Anonim
        Daglı · 7 Fevral 21:1650

        Belələrinə nə ad vermək olar? Qrabitel, tüfeyli)

        Cavab yaz
        • Anonim
          Papatya · 7 Fevral 21:3730

          Olar) Allah rəhmət etsin. Səyavuş müellime yəni)

          Cavab yaz
          • Anonim
            Daglı · 7 Fevral 21:4430

            Amin. Mənə gülməli gələn bacıoglunun dayısını aldatmasıdı)

            Cavab yaz
            • Anonim
              Papatya · 7 Fevral 22:2930

              indi çestni-niçestni yoxdu) No oçen, vajnı məsələ))

            • Anonim
              Daglı · 7 Fevral 23:1120

              Bu günkü dövrün isə şəmisi, şöşüsü var

  • Anonim
    Alina · 7 Fevral 21:1830

    Bizim bir tanış 3 ildir deyir mən bunların sexində işləyirəm dükanda qıza dedim oda cavab verdi düymələr burada tikilir çünki paltarlar preslənmiş gəlir düymədə sınmasın deyə üstündə gəlmir

    Cavab yaz
  • Anonim
    MN · 7 Fevral 21:2120

    wert o deil ee pulun olsun mehwur olasan maln matrialnan anlaywn yoxdusa o uje senin bisavadlqndi eceb elyibler qazdyblar

    Cavab yaz
  • Anonim
    öz işim · 7 Fevral 22:5910

    bu menim öz işim ıtalyan orj guccı cant 500 euro ise eynı qaullıte eynı canta turkıyede 200 euro eynı brand ama qualıtesı cok adi çinden gelen 10-20 euro ıtalyan orj guccı cantın cox pahalı olmasının sebebı brendı reklamı 300 euro

    Cavab yaz
  • Anonim
    Samed dagli · 7 Fevral 23:3410

    Men Genclik malldan Lc waikiki_nin walvarni almisdim bir defe yuyuldu ag appag agardi hetta ustundeki etiketde gosterilen kimi yuyulmusdu

    Cavab yaz
  • Anonim
    Samed dagli · 7 Fevral 23:3510

    LC Waikikinin mallari voobwe saxtadi

    Cavab yaz
  • Anonim
    Vetandaş · 8 Fevral 08:3000

    Yaxşi oldu olara biabir oldular hemişe bezi insanlar vasmoydan geyim alan ehalini beyenmirdi gedin indi sizde bizim kimi kitay mali geyinirmişsiz

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.